462 گرێبه‌ست ل ساخله‌میا دهۆكێ هاتینه ئیمزاكرن
هاتیه بلاڤکرن روژا سێ شه‌مبێ, 28 کانونا مه‌زن 2014 - 8:55am
پشكا گرێبه‌ستان سه‌ر ب رێڤه‌به‌ریا گشتی یا ساخله‌میا پارێزگه‌ها دهۆكێ ل سالا 2013 دا ب هه‌ڤكاری ل گه‌ل دام و ده‌زگه‌هێن په‌یوه‌ندیدار رابووینه ب ئیمزاكرنا 462 گرێبه‌ستان كو پێكهاتینه ژ ڤان 29 گرێبه‌ستێن پرۆژێن ئاڤاكرن و نووژه‌نكرنێ ل گه‌ل 35 گرێبه‌ستێن ئامیره و كه‌رستێن كو ل كارگێریا پارێزگه‌هێ بۆ كۆمپانیان هاتینه ره‌وانه‌كرن وه‌ك ( خوارن بۆ نه‌خۆشان و پاقژكرنا ده‌زگه‌هێن ساخله‌میێ.
ده‌رباره‌ی گرێبه‌ستێن ئامیره و كه‌ل و په‌لێن نوژداری یێن كو ب رێیا داخازنامه‌یێن راسته‌وخو ل رێڤه‌به‌ریا گشتی یا ساخله‌میا پارێزگه‌ها دهۆكێ هاتینه ئیمزاكرن پێكهاتیبوون ژ 50 گرێبه‌ستان و دیسا 97 گرێبه‌ست ژی بۆ سه‌رێك كێمكرنا ده‌رمانا ب رێیا داخازنامه‌یێن راسته‌وخو هاتینه ئیمزاكرن.
پێنج گرێبه‌ستێن سه‌خبێركرنا ئامیرێن نوژداری و خزمه‌تكاری یێن سه‌ر ب نه‌خوشخانه‌یان هاتینه ئیمزاكرن ل گه‌ل 130 گرێبه‌ستێن جورا و جور.
رێڤه‌به‌ریا گشتی یا ساخله‌میا پارێزگه‌ها دهۆكێ د وارێ ئاڤاكرنا شیانێن مرۆڤان و خزمه‌تكرنا نه‌خۆشیێن گران ژی رابووینه ب ئیمزاكرنا گرێبه‌ستان ل گه‌ل چه‌ند كۆمپانیێن ( ئیتالی، ئسكوتله‌ندی، تۆركی و لوبنانی و ئوردنی و گه‌له‌ك وه‌لاتێن دی).
ئه‌ڤ مالپه‌ره فرێکه
