6811 كهسان گیانێ خوه ژ دهستدایه
د.هشیار موسا، رێڤهبهرێ پشكا كارۆبارێن تهكنیكی ل ساخلهمیا دهۆكێ دیاركر كو ل سالا 2013 گهلهك ئهگهر بۆ مرنێ ههبووینه و گۆت: ل دووڤ ئامارێن ل دهزگههێن ساخلهمیێ و دادگههێن دهۆكێ هاتینه تۆماركرن دیاردبیت 6811 كهسان ل دهۆكێ گیانێ خوه ژدهستدا، كو ژوانژی 3236 كهس ل ناڤ دهزگههێن ساخلهمیێ مرینه و یێن دیتر ژدهرڤهی دهزگههێن ساخلهمیێ گیانێ خوه ژدهستدایه.
ل دۆر گرنگترین ئهگهرێن مرنێ، رێڤهبهرێ پشكا تهكنیكی دیاركر كو پێكهاتی بوون ژ ( نهخۆشیێن دلی، روودان و ئهگهرێن دهرهكی، كۆئهندامێ ههناسێ، پهنجهشێر، نهخۆشیێن دومدرێژ، نهخۆشیێن مێشكی، كێماسیێن زكماكی و نهخۆشیێن گولچیسك و میزهرۆیێ ل گهل چهند ئهگهرێن دی) و گۆتژی: ژوان 648 كهسان ژ ئهگهرێن روودانان گیانێ خوه ژدهستدایه كو ل بهراهیا ئهگهرێن روودانان ژی روودانێن ترۆمبێلا دهێن كو بووینه ئهگهرێ مرنا 251 كهسان و 119 كهس ژی ب سۆتنێ مرینه و 78 ژی ب گولهیێن ئاگری و یێن دیتر ژی ئهگهرێن جودا جودا ههبووینه.