2013 سالا ئاڤهدانكرنا كهرتێ ساخلهمیێ بوو ل دهۆكێ
سالا 2013 سالا ئاڤهدانكرنا كهرتێ ساخلهمیێ بوویه پارێزگهها دهۆكێ، ژبهركو بڕیار هاته دان ژمارهكا مهزن یا نهخۆشخانێن گشتی و بنگههێن ساخلهمیێ و دهزگههێن جودا جودا بهێنه ئاڤاكرن.
سهرۆكێ حكوومهتا ههرێما كوردستانێ، د دانانا بهرێن بنیاتی بۆ نهخۆشخانێن ( ژنان و زارۆبوونێ، پهنجهشێر، نهخوشخانا بهردهرهش، دهڤهرا ئامێدیێ و ..هتد) دیاركر حكوومهتا ههرێمێ ههر ژ كابینێن بهری نوكه دا ژی و تا نوكه ئێك ژ دهستپێكێن كارێ وێ خزمهتكاریێن ساخلهمیێ نه و گۆت: گومان تێدا نینه مه پێشكهفتنهكا مهزن ب دهستخوهڤهئینایه و ل گهل ڤێ چهندێ ژی ئهم ئینكار ناكهین كو كێماسی ژی ههبووینه.
سهرۆكێ حكوومهتا ههرێما كوردستانێ دیاركر ژی كو نوكه نهخوشخانه رۆژ بۆ رۆژێ زێدهتر لێ دهێن و گۆت: وهزارهتا ساخلهمیێ بهردهوام یا كار دكهت كو ژ ههموو لایانڤه سیستهمێ ساخلهمیێ ل ههرێما كوردستانێ ب شێوازهكی ب گوهۆریت كو ل گهل ستانداردێن جیهانی ب گونجیت و ههموو ههولێن مه ل حكوومهتا ههرێما كوردستانێ ئهون كو ژینگهههكا ساخلهم بۆ مللهتێ مه پهیداببیت.
ل دووڤ ئامارێن پشكا ئهندازیاری سهر ب رێڤهبهریا گشتی یا ساخلهمیا پارێزگهها دهۆكێ دیاردبیت كو ل سالا 2013 ب كوژمێ 10,313,651,815 ملیار دیناران 23 پرۆژێن ساخلهمیێ هاتینه بجهئینان و دیسا ب كوژمێ 347,859,885,061 ملیار دیناران 83 پرۆژێن ساخلهمیێ كو پێكهاتینه ژ (نهخۆشخانه، بنگههێن ساخلهمیێ، رێڤهبهری و دهزگههێن ساخلهمیێ، خانیێن نوشدار و پهرستاران و ..هتد) نوكه د وارێ بجهئینانێ دانه.
ههژی یه كو حكوومهتا ههرێما كوردستانێ گرنگیهكا تایبهت دایه دهڤهرێن ژدهرڤهی ئیدارا ههرێما كوردستانێ و سێ پرۆژێن ساخلهمیێ لێ هاتینه بجهئینان و 25 پرۆژه ژی ل ژێر بجهئینانێ نه.