بۆ جارا ئێکێ نشتەرگەریەکا مێشکی ب رێیا نازوورێ ل دھۆکێ دھێتە کرن
هاتیه بلاڤکرن روژا ئێک شهمبێ, 2 شوات 2014 - 8:37am
شڤێدی و پشتی بۆ دەمێ چار دەمژمێرا ڤەکێشای، نشتەرگەریەکا مێشکی ل دھۆکێ بۆ ژنەکا ٦٠ سالی ب رێیا نازوورێ ل نەخوشخانا تەنگاڤییان ھاتە کرن.
د.ھشیار ئوسمان، تایبەتمەندێ نەخۆشیێن کۆما دەمارا دیارکر کو پشتی وان ب پشتەڤانیا رێڤەبەریا گشتی یا ساخلەمیا پارێزگەھا دھۆکێ پشکداری د خولەکێ دا کری ل وەلاتێ ئەمریکا و ڤەگەریانا وان، ئەو ل گەل د.یاسین ئەنوەر و د.رەزڤان محەمەد و د,نەوار تاھر شیان وەکو تیمەک کاربکەن بۆ ئەنجامدانا نشتەرگەریەکێ بۆ ژنەکا ٦٠ سالی ب رێیا نازوورێ و گۆت: ئەڤە جارا ئێکێ یە نشتەرگەریەکا ب ڤی رەنگی ل دھۆکێ دھێتە کرن.
دیارکر ژی کو ئەو ژن تووشی نەخۆشیەکێ ببوو د مێشکی دا و ببوو ئەگەرێ ئێشانەکا بەردەوام ل رەخەکێ دێمێ وێ و گۆتژی: ب رێیا ڤێ نشتەرگەریێ ئەم شیاین رەھا خوینێ ژ دەمارا دگەھیتە سەروچاڤان ژێکڤەبکەین ب رێیا نازوورێ و ل شوونا وێ پارچەکا تیفلون پارجێت ھاتە دانان.
نشتەرگەریا ناڤبری بۆ دەمێ چار دەمژمێرا ڤەکێشا و رەوشا ژنێ ژلایێ ساخلەمیێ یا باشە و چو ئاریشە ژێ پەیدانەبوون.