خولەک ل دۆر ھاریکاریا ھاریکاریا دەستپێکی یا نەخۆشێن دەروونی ھاتە ڤەکرن

ب ھاریکاریا رێڤەبەریا گشتی یا ساخلەمیا پارێزگەھا دھوکێ دگەل رێخراوا (international medical crops) دەستەیا نوشداریا نیڤ دەولەتی و رێڤەبەریا کومپا دومیز خولەک ژبۆ ھاریکاریا دەستپێکی یا دەروونی کو چاوانیا سەرەدەری کرنا ھاریکاریا دەستپێکی دگەل کەسێن تووشی نەخوشێن دەروونی بووینە دناڤا کەمپا دومیز دا ھاتە ڤەکرن.

د.پرچان ھاشم، تایبەتمەندێ نەخوشێن دەروونی دیار کر: خولەکە بۆ راھێنانکرنا ھندەک کەسا کو وەک خوبەخشکار کو کارێ ھاریکاریا دەستپێکی یا دەروونی بۆ بکەن بۆ پەنابەرێن کوردێن کوردستانا رۆژئاڤا ئاکنجیێن کەمپا دومیز ئەوێن تووشی نەخوشیێن دەروونی بووینە یان ھندەک پەست و دەستدرێژێن سێکسی بووینە کو بەری ئاکنجی ببن ل کەمپێ.گۆت ژی: دڤێ وورک شوپێ دا ھندەک سمینار دھێنە پێشکێشکرن ژلایێ ھندەک نوشدارێن تایبەتمەندێن دەروونی ڤە دھێنە گوت نکو پێک دھێت چاوانیا سەرەدەریکرنا دەستپێکی یا دەروونی دگەل وان کەسان یێن تووشی ڤان پەستێن دەروونی بووینە.

گوت ژی: دو رۆژ ب تیوری بن و روژەک وەک پراکتیکی بیت کو دێ سەرەدانا وان کەسان کەن دناڤا کەمپێ دا ھەر ئێک ل گورەی راپورتێن وان دھێنە ھەلسەنگاندن و ھەر کێماسیەک ھەبیت دا بشێن چارەسەر بکەین دڤێ وورک شوپێ دا زێدەتر ژ پازدە کەسان کو دەرچووێن زانکویانە دا.

نانسی عەدیشو، نوینەرا نوشداریا نیڤ دەولەتی گوت: ھەر ژ دەست پێکا دانا کەمپا دومیز رێکخراوا مە ل ڤێرە کار کریە کو دابینکرنا دەرمانایە ل ھەرێما کوردستانێ لەورا کومپا دومیز ژی ئێک ژوان جھایە و مە کلینیکەک نوشداری دناڤ دا ھەیە کو نوشدار و دەرمان و چارەسەرێن دەروونی کو ھاتینە دابینکرن ، .گوت ژی: ژبەر وان کاوانێن نەخوش ێن پەنابەرێن رۆژئاڤا تێدا دەرباز دبن زور حالەتێن نەخوشێن دەروونی دناڤ دا ھەنە، کو گروپەک ژ پازدە کەسان پێک دھێت دا کو چارەسەریێن دەروونی بۆ وان بکەن.