رولێ ئامیرێن نوشداری دخزمهتا كارێ نوشداریدا
رێڤهبهریا گشتی يا ساخله میا پارێزگهها دهوكێ و ب ههڤكاری دگهل رێكخراوا ( ASEM ) ژبو پێشڤهبرنا ئاستێ خزمهتێن ئهندازیارێن ئامیرێن نوشداری ل دهزگههێن ساخلهمیێ وورك شوپهك بو 25 ئهندازیارا هاته ئهنجامدان و بو ماوێ دوو روژا دێ ڤهكێشیت .
ماموستایا خولێ گوت : رولێ ڤان ئامیران زور یێ گرنگه و پێدڤیه ئهندازیاری هندهك زانیاری لسهر ههبن و بزانن ئاریشێن وی چارهبكهن , ههروهسا دیاركر : دابینكرنا وان زور یا گرنگه و دهربارهی كرینا وان گوت پێدڤیه ئهم بزانین كو كوژمێ كرینێ یێ سنورداره و دڤێت ئهوان ئامیران ژ ماركێن باوهری پێكری ب كرین , ئهڤان ئامیران پێدڤی ب چاڤدێریێ ههیه ژبهركو هندهك كومپانی یێن نهدروست و ئامیرێن خراب دئینه دناڤ بازاریدا دڤێت ئهندازیار یێ هشیار بیت .
بهرپرسا ئامیرێن نوشداری گوت : پێدڤیه چاڤدێری لسهر ئهڤان ئامیران ههبیت , ئهندازیار بخو بهرپرسن كو ژلایێ وانڤه یێ كونترولكری بیت , دڤێت روژانه ئهڤ كاره بهێنه ئهنجامدان ,و لدویڤ سیستهمهكێ مودێرن و پێشكهڤتی ئهڤ ئامیره بهێنه كرین , دهما جههك داخوازیێ ژمه دكهت بو پهیداكرنا ئامیرهكی كو ئهو جه یێ پێدڤی ب خزمهتا ڤی ئامیرهی ههیه , لدهستپێكێ دێ سهحكهینه كوگههێن خو ئهگهر ههبیت دێ بو دابینكهین لێ ئهگهر نه بو دێ رهزامهندیا رێڤهبهرێ گشتی كه ین و پشتی هینگێ دێ رادهستی پشكا ئهگهر زور یێ گران بو دێ هنێرینه وهزارهتا ساخلهمیێ ئهو ب رێكا خو دێ دهنه وهزارهتا دارایى يا ههرێمێ تاكو رهزامهندی دهردكهڤیت , ئهگهر د شیاندا بو دێ كرین لێ دێ چین و ئهوی ئامیرهی بها كهین و دێ سهحكهینه جهێ وی و كی لسهر كار كهت , زوربهی جاران لسهر داخوازا مه ئامیره دهێته كرین كو ژ ماركێن جیهانی بیت .