ژبو پێشڤه برنا شیانێن كارمهندێن CME ورك شوپهكا دو روژی دهێته ئهنجامدان
داكو ئاستێ خزمهتكرنا نهخوشا ل كهرتێ ساخلهمیێ بهێته ئهنجام دان و ههمی پارێزگههێن ههرێمێ مفایی ژ ئهوان زانیارێن ههدوو لا ههبیت و وهزارهتا ساخلهمیا ههرێمێ بهشداری ئهڤان پێزانینا بیت وورك شوپهك بو پشكێن ڤان هاته ئهنجاندان ( دهوك ,ههڤلێر , سلێمانی , گهرمیان ) ئهڤرو 2014/2/26 ل هولا ئوتێلا ژیان و بو ماوێ 2 روژا دێ بهردهوام بیت, ب ئامادهبونا د. نزار عصمت رێڤهبهرێ گشتی ساخلهمیا پارێزگهها دهوكێ، د. انتصار ئهحمهد رێڤهبهرا رێڤهبهریا فێركرنا نوشداری و پهرهپێدانا پیشهیی یا بهردهوام ل وهزارهتا ساخلهمیا ههرێما كوردستانێ چهند سمینار و گهنگهشه لسهر بابهتێ پێشڤهبرنا ڤان زانیاریا دێ هێتهكرن .
رێڤهبهرێ گشتی یێ ساخلهمیا دهوكێ د. نزار عسمهت گوت: فێركرنا نوشداری یا بهردهوام پێتڤیهكه نهبهس بو نوكه بهلكی بو پاشهروژێ, دیسان من دڤێت بێژم نه بابهتهكێ نویه بهری نوكه ژی فێركرنا نوشداری یا بهردهم بهری نوكهژی هاتیه كرن خهلكی گهلهك خو گهلهك ماندی كریه , ل سهر ئاستێ وهزارهتێ و دیسا ل رێڤهبهریێن گشتی ژی ل ههولێر و سلێمانی و دهۆك ژی ئهڤ كاره هاتیه ئهنجامدان، ل دهۆكێ ئهم ژی بهشدار بوینه و ئهم دزانین كارێ وان چهوا یێ برێك و پێك بویه ههولهك ژی ههبو كو دی ههلسهنگاندنا كارمهندێن تهندروستی نوژدارا و دهرمانسازا ههمی كهسێن كاردكهن ل كهرتێ ساخلهمیێ ل گورهی خالێن وان كا چهند خال كومكرینه بو پێشخستنا خو و ئهو تایبهتمهندیا ئهو كارتێدا دكهن، ئهڤ وورك شوپه چهند ئارمانج ههنه یا ژ ههمیا گرنگتر ل دهڤ من ئهو هین باشتر ئێك دو بنیاسن و بزانن كیش جه پتر دزانیت و دێ چهوا شێت زێدههیهكێ كهت ل سهر زانیاری ل سهر جههكێ دی بو نمونه دناڤ وهزارهتێدا چهند شیان ههنه ل دهۆك چهندشیان ههنه وه دیسا ل ههولێر و سلێمانی چهند شیان ههنه و دێ چهوا وان شیانا ههمیا كوم كهنه ڤه و بشێن خزمهتا ئێك دو و خهلكی بكهن و دیسان ههڤالێن ل كهرتێ ساخلهمیێ كار دكهن، ئارمانجا دوێ ئهوه هین هندهك رێنما و هندهك یاسا بو ڤێ پشكێ دانن بشێن ل گورهی هندهك یاسایێن دهست نیشانكری ژلایێ ههوه ڤه بدانن و ل سهر بچن، ئارمانجێن دی یێن گرنگ هین وهسفهكێ بدهن كارێ خو و ههوه دڤێت چ بكهن دڤێ سالێدا ههوه دڤێت بگههنه چ قوناغ و ههروهسا ههولهك ژلایێ ههمی ههڤالا ڤه دهێته هاڤێتن بو ههلسهنگاندنا نوژدار و ههمی كارمهندێن ساخلهمیێ ل گوری وان خالێن cme هنارتنا وان بو دهرڤهی وهلاتی یان بو باوهرناما ماستهرێ و ههروهسا بو دانا پوستێن گارگێری و پێشڤهبرنا كارێ وان دیسا دگهلهك بوارێن دی ژی دڤێت cme ببینت، دروستكرنا ڤێ چهندێ یا بسانههی نینه كی دێ دیڤچونێ كهت و كی دێ خالا دانیت، كی دێ ب رولێ چاڤدێریێ رابیت و كی كهم تهرخهما دهست نیشان كهت وكی دێ هاندهت و خهلات كهت، ههمی بهێته ریپورتكرن داكو ل پاشهروژێ ئهم كاری ل سهر بكهین، بهێته بهلاڤكرن و ئهم ههمی ل سهر بچین، بابهتێ ههره گرنگ ل دهڤ مه cme نهپشكهكا سهربهخویه پشكهكه ژ گهلهك پروگرامێن دی، ههماههنگیهك ههبیت دناڤبهرا ههمی پشك و رێڤهبهریێن دی ,بو نمونه دهربارهی پلاندانانێ، پلاندانان ژ پشكێن ههره گرنگه cme ئهگهر ژ نێزیك دگهلدا كاربكهت ئهم دێ شێن پروگرامێن درێژخایهن دانین مه ههمی بسپور ههبن ل ههمی ئاستێ باش كو بشێن خزمهتا خهلكێ مه بكهن و چارهسهریا خهلكێ مه ل ناڤ كوردستانێ بكهن و كهس پێتڤی ژ دهرڤه نهبیت وه ههروهسا ئهگهر cme دروست كاربكهته ڤه دگهل رێڤهبهریا كاروبارێن خو پاراستنێ خهلك گهلهك دێ یێ هشیار و رهوشهنبیر بیت و من باوهره نهخوشی ژی دێ كێمتر بن، پێتڤیه cme گهلهك خو ماندی بكهت دگهل ههمی پشكا دا بشێن بگههنه ههمی ئارمانجێن خو .
رێڤهبهرا رێڤهبهریا فێركرنا نوشداری و پهرهپێدانا پیشهیی یا بهردهوام ل وهزارهتا ساخلهمیا ههرێما كوردستانێ د. انتصار ئهحمهد دبێژیت :ئهڤه وورك شوپێ دوویێ یه و دهوكێ رولهكێ زور باش یێ ههی لدوور پێشڤهبرنا پشكا فێركرنا نوشداریا بهردهوام , ههرێما كوردستانێ پێدڤی ب ڤێ پشكێ ههیه و پێدڤیه گرنگێ پێ بدهین , ئارمانجا سهرهكی ئهوه كو ئهم بشێن پتر خزمهتا خهلكێ خو بكهین , ههروهسا پێدڤی ب ههڤكاری و ههماههنگیا ههمی پارێزگههێن ههرێمێ ههیه , لدوماهێ هندهك راسپادێن باش لێ بدهكهڤن و ئهم جێبهجێ بكهین .