ل ده‌ستپێكا بوهارێ 60 بۆتلێن خوینێ هاتنه به‌خشین
هاتیه بلاڤکرن روژا دوو شه‌مبێ, 3 ئادار 2014 - 9:27am
ب هه‌لكه‌فتا بیره‌وه‌ریێن ئادار و نه‌وروزێ و ب سه‌ر په‌رشتیا فه‌رهاد ئه‌ترووشی ئه‌ندامێ په‌رله‌مانێ عیراقا فیدرالو ب ئاماده‌بوونا رێڤه‌به‌رێ گشتیێ ساخله‌میا پارێزگه‌ها دهۆكێ هه‌وا خوینبه‌خشینێ هاته كرن و 60 بوتلێن خوینێ هاتنه به‌خشین.
فه‌رهاد ئه‌تروشی دیاركر كو مه‌ره‌ما وان ب هه‌وا خوین به‌خشینێ ئه‌وبوویه پتر خزمه‌تا نه‌خۆشێن تیلاسیمیا و كه‌سێن پێدڤی ب خوینێ بهێته كرن و گۆت: كۆمه‌كا گه‌نجێن ڤێ پارێزگه‌هێ ب ڤی كاری رابوون و خواست ئه‌ڤ جورێن كارێن خێرخوازی دبه‌رده‌وام بن داكو هه‌موو ده‌مان به‌نكا خوینێ شیانێن دابینكرنا خوینێ هه‌بن.
د. نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر ڤان هه‌وا گرنگیا خوه هه‌یه ژبه‌ركو گه‌له‌ك جارا ره‌وشێن ته‌نگاڤیان په‌یدادبن و خوین ل به‌نكا خوینێ نامینیت، له‌ورا داخازێ ژ هه‌موو گه‌نجان دكه‌ین ده‌م بو ده‌می قه‌ستا به‌نكا خوینێ بكه‌ن بۆ ئه‌نجامدانا ڤان جوری كاران.
ئه‌ڤ مالپه‌ره فرێکه
