دۆرێن 179 هزار زارۆیان ل دهۆكێ دێ ڤاكسینان وه‌رگرن
هاتیه بلاڤکرن روژا دوو شه‌مبێ, 3 ئادار 2014 - 9:29am
رێڤه‌به‌ریا كارۆبارێن خوپاراستنا ساخله‌میێ سه‌ر ب رێڤه‌به‌ریا گشتی یا ساخله‌میا پارێزگه‌ها دهۆكێ، دوهی 2014/3/1 ده‌ست ب هه‌وه‌كا ڤاكسیندانێ دژی نه‌خۆشیا فالنجا زارۆیان كر و بڕیاره بۆ ده‌مێ پێنج رۆژان یا به‌رده‌وام بیت.
حه‌مزه ره‌زیكی، به‌رپرسێ راگه‌هاندنا ساخله‌میا پارێزگه‌ها دهۆكێ دیاركر كو د ڤێ هه‌وێ دا زارۆیێن ئێك رۆژی هه‌تا پێنج سالی دێ هێنه ڤاكسیندان و گۆت: 178,922 زارۆ دێ ڤاكسینان وه‌رگرن.
دیاركر ژی 475 تیم هاتینه به‌رهه‌ڤكرن بۆ ئه‌نجامدانا هه‌وا ڤاكسیندانێ كو هنده‌ك ژوان دێ ل بنگه‌هێن ساخله‌میێ بن و هنده‌ك ژی مال ب مال دێ گه‌رن داكو مه‌زنترین رێژا زارۆیان ڤاكسین بده‌ن و گۆت:ئارمانج ژێ پاراستنا زارویانه ژ نه‌خوشیا فالنجا زاروكان بتایبه‌ت پشتی په‌یدابوونا چه‌ند حاله‌تا ل سالا 2013 ل وه‌لاتێ سووریێ و مه‌ترسییا وێ لسه‌ر پارێزگه‌هێن هه‌رێمێ.
دهێته زانین پتر ژ 15 سالانه چ حاله‌تێن ڤێ نه‌خۆشێ ل پارێزگه‌هێن هه‌رێمێ نه‌هاتینه توماركرن.
ئه‌ڤ مالپه‌ره فرێکه
