پشتی 25 سالێن كاركرنێ ته‌خت و په‌رده‌یێن نه‌خوشخانا ئازادی هاتنه گوهارتن
هاتیه بلاڤکرن روژا سێ شه‌مبێ, 18 ئادار 2014 - 2:35pm
ژ بو پێشڤه‌برنا خزمه‌تێن ساخله‌میێ ل نه‌خوشخانا ئازادی یا فێركرنێ دۆرێن 220 ته‌ختێن نوو و چه‌ندین كورسی هاتینه دانان و هوله‌كا پێشوازیێ بۆ كه‌سێن سه‌ره‌دانا نه‌خۆشان دكه‌ن هاتیه دروستكرن.
رێڤه‌به‌رێ نه‌خوشخانا ئازادی یا فێركرنێ د. ئه‌فراسیاب موسا دیاركر كو ل سالا 2013 وان دپلان دا بو چه‌ند خزمه‌تێن ساخله‌میێ بو وه‌لاتیان بهێنه دابینكرن، ژبه‌ركو نه‌خوشخانا ئازادی نێزیكی 25 سالانه كاردكه‌ت و هینگی وه‌ره ته‌خت و په‌رده‌یێن وان نه‌هاتینه گوهارتن، وگوت: نێزیكی 220 ته‌خت بو نه‌خوشان ل گه‌ل هژماره‌كا كورسیان كو نه‌خوش لێ بروونن خارێ هه‌تا پشكنینا خوه وه‌رگرن هاتینه دابینكرن و گوهارتن.
گۆت ژی: ژبه‌ركو وه‌لاتی ل زڤستانان ل به‌ر ده‌رگه‌هێ سه‌ره‌كی یێ نه‌خوشخانا ئازادی د مان و ل هاڤینا ژی ل به‌ر گه‌رمێ بوون، له‌ورا مه هزركر كوئه‌ڤ تشته بو ولاتیان بهێنه خوشكرن و ئه‌م رابووین ب چێكرنا هوله‌كا پێشوازیێ و وه‌لاتی دێ ل وێرێ مینیت هه‌تا سرا وی یا سه‌ره‌دانێ بهێت.
د. ئه‌فراسیاب موسا ل دۆر پشكا تاقیگه‌هێ دیاركر كو چه‌ندین مێزه بو نه‌خوشان دابین كرینه داكو نه‌خوش ده‌مێ پشكنینا خوه یا خوینێ بكه‌ت جهه‌ك هه‌بیت ب ده‌ستێ خوه دانیت سه‌ریێ و یێ ئارام بیت و نه‌بیته قه‌ره‌بالغ ل سه‌ر سه‌رێ وان.
ولاتیه‌ك دیاردكه‌ت كو ده‌مێ سه‌ره‌دانا نه‌خوشخانا ئازادی كری دیتی چه‌ندین گوهورین دناڤا نه‌خوشخانێ هاتینه كرن بو جهێ دلخوشیا وێ و گوت: ده‌مێ دونیا سار یان گه‌رم بیت، جهه‌كێ بو مه په‌یداكری لێ برینه خار هه‌تاكو سرا مه بهێت، دناڤا نه‌خوشخانێ دا گوهورینه‌كا مه‌زن بخو ڤه دیت یه وه‌كو جهێ پشكنینا و ئینانا ته‌ختان بو نه‌خوشان و دیسان هه‌بوونا كورسیان لێ برینه خار هه‌تاكو پشكنینَن مه ب ده‌ركه‌ڤن، ئه‌ڤه ژی دبیته ئه‌گه‌رێ هندێ كو قه‌ره‌بالغ كێم بیت، هیڤیا مه ئه‌وه خزمه‌تێن ساخله‌میێ به‌ره‌ف پێشتر بچن.
هاریكارێ تاقیگه‌ها خوینێ عه‌بدولقادر محه‌مه‌د دیاركر كو تاقیگه‌ها نه‌خوشخانا ئازادی به‌ری هینگێ یا به‌رته‌نگ بو و ئه‌و نه‌شیان خزمه‌تا نه‌خوشان وه‌كو پێدڤی بكه‌ن و شیانێن دانانا گه‌له‌ك كارمه‌ندان ژی نه‌بوون و گۆت: پشتی جهێ مه به‌رفره‌هتر لێ كری، كارێ مه یێ خوین كێشانێ گه‌له‌كێ هاتیه رێكخستن.
ئه‌ڤ مالپه‌ره فرێکه
