روژا جیهانی یا نه‌خوشیا ئوتیزمێ‌ ب چه‌ند چالاكیا ل دهوكێ‌ هاته‌ ساخ كرن

ب هه‌لكه‌فتا روژا جیهانی یا ئوتیزمێ‌ كومه‌لا ئوتیزما كوردستانێ‌ لقێ‌ دهۆك رابی ب ساخكرنا ڤێ‌ هه‌لكه‌فتێ‌ ب هه‌ڤكاریا سه‌نته‌رێ‌ (ناز دهۆك) یێ‌ شیاندنا زارۆكێن ئوتیزمێ‌ دگه‌ل بنگه‌هێ‌ ده‌رونی ل پارێزگه‌ها دهوكێ‌ ل روژا 2 نیسانێ‌ ل ده‌مژمێر 11ی سپێدی ل هوڵا بنگه‌هێ‌ ده‌رونی.

زوزان زه‌كی ئاكره‌ی به‌رپرسا كومه‌لا ئوتیزما كوردستانێ‌ لقێ‌ دهۆك دیاركر سه نته‌رێ‌ ئوتیزمێ‌  ل سالا 2011 ل دهۆكێ‌ هاتیه‌ دامه‌زراندن، ئه‌ڤه‌ چار سالا ئه‌م روژا جیهانی یا ئوتیزمێ‌ ساخ دكه‌ن ب چه‌ندین چالاكیا بو هشیار كرنا گشتی، هه‌تا نوكه‌ گه‌له‌ك ژ خه‌لكێ‌ مه‌ نزانێت ئوتیزم چیه‌، ئه‌م رادبین دابه‌شكرنا پوسته‌را ژ زاخو تا ئامێدیێ‌ داكو خه‌لك بزانیت ئوتیزم چیه‌ ده‌ما زارۆیه‌كێ‌ وان هه‌بیت دێ‌ قه‌ستا كیڤه‌ كه‌ن، ئه‌م رابون ب ڤه‌كرنا سه‌نته‌رێ‌ ناز داكو ببیته‌ ده‌رگه‌هه‌ك لبه‌ر دای بابێن زارۆیێن ئوتیزمێ‌ ببه‌نه‌ وه‌لاتێن تركی و ئوردن و لبنانێ‌ بو كورتكرنا رێكا و، و گوت: نه‌خوشیا ئوتیزمێ‌ روژ بو روژێ‌ ل جیهانێ‌ به‌ره‌ف زێده‌بونێ‌ ڤه‌ دچیت، ل دیف پیڤه‌رێن یو ئێنێ‌ نوكه‌ هه‌ر 100 زارۆیا ئێك ژ وان ئوتیزمه‌ و ژ هه‌ر پێنچ زارویێن ئوتیزمێ‌ چار كورن و ئێك كچه‌، دیسا ل دیف هه‌مان ژێده‌ر رێژه‌یا توش بویا ب ئوتیزمێ‌ پتره‌ ژ نه‌خوشیێن په‌نجه‌شێرێ‌ و ئایدزێ‌، و گوت ژی: 250 زارۆ ل سه‌نته‌ری د ده‌ست توماركرینه‌، به‌لێ‌ ل دهۆكێ‌ رێژه‌ نه‌ بڤی ره‌نگی یه‌ و پتره‌ و گه‌له‌ك زارۆیێن ئوتیزمێ‌ هه‌نه‌ و هێشتا نه‌هاتینه‌ ده‌ست نیشانكرن.

به‌رپرسا كومه‌لا ئوتیزمێ‌ كوردستانێ‌ لقێ‌ دهۆك دیاركر ژی سه‌نته‌رێ‌ مه‌ یێ‌ بچیكه‌ و دڤیا بتنێ‌ دو نه‌خوش دگه‌ل ماموستایا خو د ئێك ژور ڤه‌ بن، و گوت ژی: مه‌ ل سه‌نته‌ری 40 زارۆ هه‌نه‌ ل هه‌ردو ده‌واما ل سپێدێ‌ و ئێڤاریا ژ به‌ر به‌رته‌نگیا جهی نه‌شێن زێده‌تر وه‌ر بگرن، ل ده‌ستپێكێ‌ مه‌ بو زارۆیێن خو ڤه‌كر بو به‌لێ‌ مه‌نه‌ شیا رێكێ‌ ل وان دایك و  بابا بگرین یێن دهێن ده‌رگه‌هێ‌ مه‌ د قوتن، له‌و ئه‌م رابون ب وه‌رگرتنا كادرا و مه‌ به‌ر فرهه تر لێ‌ كر ژبه‌ر زارۆیێن مه‌.

زوزان زه‌كی ئاكره‌ی به‌رپرسا كومه‌لا ئوتیزما كوردستانێ‌ لقێ‌ دهۆك خواست حكومه‌تا هه‌رێما كوردستانێ‌ سه‌نته‌رێن تایبه‌ت بو نه‌خوشێن ئوتیزمێ‌ ڤه‌كه‌ت ، جیهان هه‌می ل سه‌ر ئه‌گه‌ر و چاره‌سه‌ریا كار دكه‌ن لێ‌ نه‌گه‌هشتینه‌ چ ئه‌نجامان، بتنێ‌ ئه‌نجامێن وان یێن نوكه‌ راهێنان و نیشاندانه‌ ئه‌و ژی كارمه‌ندێن بسپور دڤیا هه‌بن دڤی بواریدا ژ به‌ر كو وانێن وان د تایبه‌تن هه‌می كه‌س نه‌شێت پێ‌ رابت، مه‌ بخو بسپورێن تایبه‌ت ئیناینه‌ ژ وه‌لاتێن به‌غدا و سوریێ‌ و ئوردن و مه‌ كادرێ‌ خو راهێنان پێكرینه‌، ل ده‌ستپێكێ‌ مه‌ چار دایبابا رێژه‌ یه‌كا پارا مه‌ دانا بو ڤه‌كرنا سه‌نته‌ری ب هاریكاریا جه‌نابێ‌ پارێزگه‌رێ‌ هوكێ‌ ته‌مه‌ر ره‌مه‌زانی مه‌ سه‌نته‌ر دانا.