هه‌ڤدیتنا زانستییا ئێكێ‌ بو پولیته‌كنیكی دهوك

ب ئاماده‌بونا نینه‌رێ‌ وه‌زاره‌تا خواندنا بالا و نینه‌رێ‌ پارێزگه‌ها دهوكێ‌ و چه‌ند ماموستایێن زانكویێن سه‌رانسه‌ری ئیراقی , ب چاڤدێریا پ.ه. د. عه‌دنان محسن عه‌بدالعزیز سه‌روكێ‌ زانكویا پولیته‌كنیكی یا دهۆك، ئێكه‌مین هه‌ڤدیتنا زانستی بو نوژدارێن ددانا ل سه‌رانسه‌ری ئیراقێ‌ و كوردستانێ‌ ژلایێ‌ زانكویا پوليته‌كنیكی یا دهوك و په‌یمانگه‌ها دهوك هاته‌ برێڤه‌برن و بو ماوێ‌ دو روژا دێ‌ یا به‌رده‌وام بیت بو راگریا په‌یمانگه‌ها ته‌كنیكی دهۆك پشكا چێكرنا ددانا، رابویه‌ ب سازدانا هه‌ڤدیتنه‌كا زانستی یا ئێكێ‌ بو نوژدارێن ددانا بو ماوێ‌ دو روژا، ل هولا سه‌نته‌رێ‌ ره‌وشه‌نبیری و جڤاكی ل زانكویا دهوك.

پ.ه. د. عه‌دنان محسن عه‌بدالعزیز سه‌روكێ‌ زانكویا پولیته‌كنیكی یا دهۆك گوت: هه‌ڤدیتنا ئێكێ‌ برێكا ڤه‌كولینێن زانستی د بوارێن جودا جودابه‌ره‌ف ئاسته‌كێ‌ باشتر و بلند تر ببه‌ین، ڤه‌كولینێن زانستی و هه‌ولدان بو بده‌ست ڤه‌ ئینانا زانیاریێن نوی و سه‌رده‌مانه‌ ژ مه‌زنترین رێكێن هزری و مادی نه‌ ژ بو پێشڤه‌ برنا جڤاكی و پركرنا بو شایێن هه‌ین، ژ به‌ركو جیهان نوكه‌ یا د گورانكاریێن بله‌زدا دبوریت، ژ مه‌ دهێته‌ خواستن كو ئه‌م ل ئاستێ‌ ڤان گورانكاریێن نوی بن، و ب ڤان جوره‌ پێنگاڤێن زانستی وه‌لاتێ‌ خوئاڤا بكه‌ن، و ئه‌ف كاره‌ هه‌می ب پشته‌ڤانیا حكومه‌تا هه‌رێما كوردستانێ‌ دهێته‌ كرن، دخوازین هه‌می لایه‌ك دگه‌ل مه‌دا هاریكار بیت، ئێك ژ سیاسه‌تێن زانكویا مه‌ ڤه‌كرنا كولیژین ته‌كنیكیه‌، ژبو بهێز كرن و پێشڤه‌برنا كه‌رتێ‌ پیشه‌سازی تایبه‌ت ژ لایێ‌ ده‌رچویێن زانكویا مه‌ برێكێن زانستی، دژیه‌كێ‌ كورت دا زانكویا مه‌ شیایه‌ په‌یوه‌ندیا دگه‌ل چه‌ندین زانكو یێن جیهانی گرێ‌ بده‌ت ل وه‌لاتێن ئه‌مریكا و سوێدێ‌ و ئوردنێ‌.

د.كریم صالح عه‌بدو نینه‌رێ‌ وه‌زاره‌تا خواندنا بلند ل هه‌رێما كوردستانێ‌ گوت: كاره‌كێ‌ هه‌ره‌ باش هاتیه‌ كرن ژ بو ڤێ‌ هه‌ڤدیتنێ‌، زانكویا پولیته‌كنیكی دهوك به‌ری دو سالا ل ب بریاره‌كێ‌ دروست بو د وه‌ی ده‌میدا وه‌زیری خویندنی بالا پێشنیاره‌ك بلند كر بو سه‌روكایه‌تیا حكومه‌تا هه‌رێمێ‌ و ده‌سته‌ی خویندنا ته‌كنیكی بگوهریت بو زانكویا ته‌كنیكی ل هه‌رسێ‌ پارێزگه‌ها، دڤی ژیێ‌ كورت دا هه‌رسێ‌ زانكو شیاینه‌ پێشڤه‌چونه‌كا به‌رچاڤ بخوڤه‌ گرتیه‌، ئه‌ڤ هه‌ڤدیتنه‌ گه‌له‌ك دگرنگن بو هه‌ڤنیاسینا هه‌می وان ماموستایێن ل ڤان زانكویا دا، ئه‌ڤ هه‌ڤدیتنه‌ دێ‌ بنه‌ بنه‌مایه‌ك تێدا چه‌ندین ڤه‌كولینێن زانستی یێن خزمه‌تا خه‌لكی دكه‌ ن دێ‌ هێنه‌ دیاركرن، زانكو جهێ‌ داهێنانێ‌ یه‌ و جهێ‌ وه‌رچه‌رخانه‌ و جهێ‌ چاره‌سه‌ریێ‌ یه‌ بو هه‌می ئاریشا ب باشترین رێك و خزمه‌تا كه‌رتێ‌ گشتی بكه‌ت، ئه‌ڤ پێشكه‌فتنێن دیار ل جیهانێ‌ هه‌می برێكا زانكویا یه‌.