١٨٠ ھزار زارۆ ل دھۆکێ دێ ھێنە ڤاکسیندان
١٨٠ ھزار زارۆ ل دھۆکێ دێ ھێنە ڤاکسیندان
ل باخچێ بژارە یێ زارۆیان و ب چاڤدێریا بۆتان محسن، قایمقامێ قەزا دھۆکێ گەرا دوێ یا ھەوا ڤاکسیندانێ دژی نەخۆشیا فالنجا زارۆیان دەستپێکر.
د. نزار عێمت، رێڤەبەرێ گشتیێ ساخلەمیا پارێزگەھا دھۆکێ دیارکر کو ئەڤ ھەوە ل سەرانسەری عیراقێ و ھەرێما کوردستانێ دەستپێکریە و ل دەمەکێ گەلەک ھەستیار دھێتە ئەنجامدان ژبەرکو حالەتەکێ نەخوشیێ ل باژێرێ بەغدا ھاتیە تۆمارکرن و گۆت:ل سالا ١٩٩٥ێ وەرە چو حالەتێن فالنجا زارۆیان ل پارێزگەھا دھۆکێ نەھاتینە تۆمارکرن و ل عیراقێ ژی ژ سالا ٢٠٠٠ وەرە چو کەس تووشی فالنجا زارۆیان نەبووینە، بەلێ ب ھەبوونا مەترسیێ پێدڤیە ئەم د رژد بین بۆ ڤاکسیندانا ھەموو زارۆیێن ئێک رۆژی ھەتا پێنج سالی ڤاکسین بدەین، کو ل دھۆکێ ئارمانج ئەوە ١٨٠ ھزار زارۆ بھێنە ڤاکسیندان و ل گەل زارۆیێن رۆژئاڤێ کوردستانێ دێ بنە ١٨٨ ھزار زارۆ و بۆ ڤێ ھەوێ ژی ئەو شیاینە ٤٩٣ تیمێن ڤاکسیندانێ پێک بینن و ٧٩ کەس دێ ب کارێ سەرپەرشتیێ رابن و بۆ دەمێ پێنج رۆژان دێ یا بەردەوام بیت.
عەبد یوسف، رێڤەبەرێ گشتیێ پەروەردا پارێزگەھا دھۆکێ دیارکر کو کارێ ساخلەمیێ ل دۆر ئەنجامدانا ڤان ھەوان جھێ سوپاسیێ یە و خواست کو دایک و باب و باخچەیێن زارۆیان ھەڤکاریێ ل گەل ساخلەمیێ بکەن داکو ل پاشەرۆژێ زارۆ ببنە ئەندامێن ئەکتیف دناڤ جڤاکی دا.
هەڤپێج | الحجم |
---|---|
2w | 92.32 كيلوبايت |
1 | 82.1 كيلوبايت |