رێکخستنا نوژداریا خێزانێ ل کوردستانێ ل ساخلەمیا دھۆکێ ھاتە گەنگەشەکرن

 رێکخستنا نوژداریا خێزانێ ل کوردستانێ ل ساخلەمیا دھۆکێ ھاتە گەنگەشەکرن

د.نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو کار یێ دھێتە کرن ل سەر خزمەتێن ساخلەمیێ یێن چاڤدێریا ساخلەمیا دەستپێکی، ھەکە  خزمەتن پێدڤی بو خەلکی دناڤ خێزانێدا بھێنە پێشکێشکرن ئەو ھژمارا نەساخێن دھێنە نەخوشخانا و دەزگەھێن ساخلەمیێ دێ کێمتر بن و زوی دێ نەخوشی ھێنە دەستنیشانکرن و خوپاراستن ژ نەخوشیا دێ باشتر بیت و گۆت: حوکمەتا ھەرێما کوردستانێ پویتەدانەکا مەزن ب نوژداریا خێزانێ د دەت، مە ژمێژە چەند ھەول ھەبووینە و  سلێمانی و ھەولێر و دھوک پێنگاڤ ھاتینە ھاڤێتن بو دروستکرنا چەندین مودێلێن تایبەت ب نوژداریا خێزانێ و گەلەک ژ وان سەنتەرا د سەرکەفتی بووینە و گەلەک ژ وان کوسپ و ئاستەنگ  ھەبووینە و نەشیاینە خزمەتا خەلکی بکەن و ژ بەر رێژەکا کێم یا نوژدارا ئەڤ تایبەتمەندیا خێزانی ھەبوو ، و نەبوونا پروگرامەکێ دروست یێ بەرھەڤکرنا نوژدارا ھەروەسا نەبوونا پێدڤیا د وان دەزگەھاندا د پێشکێشکرنا دەزگەھێن ساخلەمیێ و رەوشەنبیریا خەلکی پویتەدانا ساخلەمیا خوبکەن و  سەرەدانا ئێک نوژداربکەن و ب نوژدارێ خێزانێ بزانن  و ئەوژی نەل وی ئاستێ پێدڤی بوویە،

رێڤەبەرێ گشتیێ ساخلەمیا پارێزگەھا دھۆکێ سوپاسیا د.یوھانس و  د.رەجەب  کر کو خوماندی کری و راپورتەک ل دۆر نوژداریا خێزانێ ل کوردستانێ بەرھەڤکریە و  وەک پروژەیەک دانیتە بەر دەستێ وەزارەتا ساخلەمیێ ئەم وەک کاربەدەست وب سەرپەرشتیا وەزیرێ ساخلەمیێ ڤەکولینەکا دی بکەینەڤە ل سەر  ڤێ راپورتێ کا دێ چەواشێین ئێخینە د بوارێ ب جە ئینانێدا.

دیارکر ژی کو نوژداریا خێزانێ ل دھوکێ دەستپێکر ل بنگەھێ زانست ئەڤ بنگەھە ژ ھەمی بنگەھێن دی باشترە ئەو نوژدار و ئەو تاقیگەە و تیشکێن بو خەلکێ دھێتە گرتن ژ ھەمی بنگەھێن دی باشترە  ئەڤەژی ھەولەک بوویە رێڤەبەریا گشتی یا ساخلەمیا پارێزگەھا دھوکێ دڤیا سنورەکێ جوگرافی یی تایبەت ھەمی خێزانێن وی جھی پێڤە بھێنە گرێدان و گۆت: ڤی بنگەھی ل دەستپێکێ چ نوژدارێن تایبەتمەندیا خێزانێ نەبووینە، دەستپێکریە ب نوژدارێن تایبەتمەندیا گشتی و پێشەکارێن گشتی ، نوکەژی ب پسپورین نوژداریا خێزانێ دەست پێکریە. نوکە ژی مە ٢٠ پیسپور ھەنە و ھندەک قوتابینە و ھندەک دەرچووینە ئەڤ ٢٠ کەسە یێ تایبەتمەندیا خێزانێ وەردگرن .

د.رێکەوت حەمە رەشید، وەزیرێ تەندروستی یێ حوکمەتا ھەرێما کوردستانێ دیارکر کو  نوژداریا خێزانێ بوویە پێدڤیەکا سەردەمانە بو پێشڤەبرنا سیستەمێ ساخلەمیێ و چاکسازی د کەرتێ ساخلەمیێ دا ل ھەر وەلاتەکی و گۆت: جێبەجێکرنا ڤی پروگرامی ئەم دشێین ھەمی ھیڤی یێن خو بو پێشکێشکرنا باشترین خزمەتێن ساخلەمیێ و رازیبوونا خەلکی و ھەبوونا ھەمی ئامار و  پێزانینن ساخلەمیێ و رێکخستنا زنجیرا نەخوشی و رەوانەکرنا خەلکی و جێبەجێکرنا رێکێن خوپاراستنێ و ھوشیارکرنا ساخلەمیا وەلاتیان بجھئینین.                                                         

وەزیرێ تەندروستی دیارکر ژی کو  نوکە پێنج بنگەھێن ساخلەمیا خێزانێ ل ھەرێما کوردستانێ ھەنە و ٢٥ خویندکارێن خواندنا بلند ب نوژداریا خێزانێ یێن ھەین د چارچووڤێ پلانەکا ستراتیژی ژ لایێ وەزارەتی تەندروستی یا حوکمەتا ھەرێما کوردستانێ ب ھەماھەنگی د گەل وەزارەتا تەندروستی یا عێراقێ کار یێ لسەر دھێتە کرن و پروگرامەکێ تایبەت ب نوژداریا خێزانی دگەل رێکخراوا   WHO  و USAID  بو پێشئێخستنا  سیستەمێ تەندروستی ل ھەرێما کوردستانێ یێ ھەی و کار بۆ ویژی دھێتە کرن، ل دووماھیێ خواست سمینار  ببیتە ھاندەرەک ژ بو پێشڤەبرنا سیستەمێ تەندروستی ل ھەرێما کوردستانێ.