ساخلەمیا دھۆکێ ب ھەڤکاری ل گەل ژمارەکا رێکخراوان دەست ب پاقژکرنا کەمپا دومیز کرن
هاتیه بلاڤکرن روژا پێنج شه‌مبێ, 17 نيسان 2014 - 9:58am
مەتین جمیل
ساخلەمیا دھۆکێ ب ھەڤکاری ل گەل ژمارەکا رێکخراوان دەست ب پاقژکرنا کەمپا دومیز کرن
"د.سیروان محەمەد ئەسوەد"رێڤەبەرێ کاروبارێن خوپارستنێ ل دھۆکێ گوت: ئەڤرۆ ب ھەڤکاریا رێکخراوا (DMC)و رێڤەبەریا گشتی یا ساخلەمیا پارێزگەھا دھوکێ و رێڤەبەریا کاروبارێن خوپارستنێ و ھژمارەکا زۆر ژ رێخراوێت حکومی و نە حکومی و رێکخراوێت سەر (UN)ێ ڤە رابووینە ب ھەوەکا مەزن یا پاقژکرنا کەمپا دومیز یا پەنابەرێن کوردێن رۆژ ئاڤا دا کو ببیتە تیتالەک بۆ خەلکی و بتایبەتی خەلکێ دناڤا کەمپێ دا ژبەرکو پاقژیێ تایبەتمەندیا خو ھەیە ژبۆ پارستنا ساخلەمیێ وان.
گوت ژی: گرنگیا ڤێ ھەوە ئەوە کو بۆ خەلکێ دناڤا کەمپێ دا ئاشکرا بیت کو گرنگیێ ب باقژیێ بدەن بتایبەتی کو نھا ئەم بەرەف وەرزێ ھاڤینێ ڤە دچین چێ دبیت ھندەک نەخوشێن مەترسیدار پەیدا ببن و مەترسی ھەبیت لسەر ژیانا وان و ئەڤە ژی ژبەر وێ چەندێ ھژمارا زۆر یا ئاکنجیێن پەنابەرێن کوردێن رۆژئاڤا تێدا د ئاکنجی نە لەورا پێتڤی یە ھەمی لایەنێن پەیوەندی دار گرنگیێ ب پاقژیێ بدەن.
"سالم سەعید"بەرپرسێ راگەھاندنا و پەیوەندیێ ل کەمپا دومیز دیار کر: مەرەم ژ ڤێ ھەوێ ئەوە فەرمانبەرێن کەمپا دومیز و فەرمانبەرێن ساخلەمیا دھۆکێ و ھەروەسا یێن قوتابخانا، پەنابەر ژی بەژدارن دڤێ ھەوێدا داکو ئەم ببنە نمونە بو ڤی خەلکی پاقژیێ ب پارێزان و بزانن تڤیا پاقژیا ڤێ کەمپێ ژی بھێتە پاراستن داکو پتر دساخلەم بن، ل وەلاتێن دەرڤە زاروکێن خو ل سەر ڤێ چەندێ پەروەردەکرینە زەرفکێ چکلێتێ نە ھاڤێتە ژ سەر عەردی، مەلەتێ مەن ژ کەڤندا حەژ پاقژیێ کریە ھەتا ل گوندا ژی.
| هەڤپێج | الحجم |
|---|---|
| resized_1.jpg | 37.56 كيلوبايت |
| resized_2.jpg | 39.67 كيلوبايت |
ئه‌ڤ مالپه‌ره فرێکه
