روژا جیهانیا نه‌خوشیا هیموفیلیا هاته ساخكرن
هاتیه بلاڤکرن روژا ئێک شه‌مبێ, 20 نيسان 2014 - 9:07am
ب هه‌لكه‌فتا رۆژا جیهانی یا نه‌خۆشیێن هیموفیلیا، ئه‌ڤرۆ 2014/4/19 و ل هۆلا كومه‌لگه‌ها نوژداریا ددانان و ل ب چاڤدێریا د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ ئاهه‌نگه‌ك هاته گێران.
د. نزار عصمه‌ت، رێڤه‌به‌رێ گشتیێ ساخله‌میا دهۆكێ دیاركر كو هیموفیلیا نه‌خۆشیه‌كا دومدرێژه و پێدڤی ب چاڤدێریه‌كا تایبه‌ت هه‌یه و گۆت: پلانا رێڤه‌به‌ریا ساخله‌میا دهۆكێ ئه‌وه ده‌رمانان بو ڤان نه‌خوشا دابین بكه‌ت و كارێ سه‌ره‌كی ئه‌م كاری بو دكه‌ین ده‌زگه‌هه‌ك هه‌بیت د ڤی ده‌زگه‌هیدا چاڤدێریا هه‌موو نه‌خوشێن خوینێ بهێته‌كرن وه‌ك نه‌خوشێن ته‌لاسیمیا و هیموفیلیا بتایبه‌تی دیاركر ژی كو پرۆژێ به‌نكا خوینێ یا ئه‌ڤ ساله پرۆژه‌كێ زور باشه بو دابینكرنا هه‌می كه‌رستێن خوینێ و بده‌نه نه‌خوشێن پێدڤی، له‌ورا ژی ئه‌ڤ نه‌خوشیه بۆ تووشبۆیێن وێ نه‌بوویه ئاسته‌نگ د پێشڤه‌برنا ژیانا وان دا.
ئه‌مین حه‌جی، به‌رپرسێ كومه‌لا هیموفیلیا لقا دهۆك دیاركر كو ئه‌و كه‌سێ تووشی هیموفیلیایێ دبیت ژیانه‌كا نه‌خوش و دژوار ده‌ربازدكه‌ت و پێدڤیه ژ هه‌ر روودانه‌كا نه‌چاڤه‌رێكری بهێته پاراستن و گۆت: ل سه‌رانسه‌ری هه‌رێما كوردستانێ مه نێزیكی 350 نه‌خوشێن هیموفیلیا هه‌نه و كو 100 ژوان ل پارێزگه‌ها دهوكێ نه كو هه‌می ل كومه‌لا مه هاتینه تۆماركرن و ل سالا 2013 دا 32 نه‌خۆشێن نوو ل دهۆكێ هاتینه تۆماركرن.
ل دووماهیێ چه‌ند خه‌لات ل سه‌ر زارۆیێن نه‌خۆش و كه‌سانێن پشته‌ڤانیا نه‌خۆشان كری هاتنه به‌لاڤكرن.
| هەڤپێج | الحجم |
|---|---|
| resized_HEM 2.jpg | 32.1 كيلوبايت |
| resized_HEM1 (1).jpg | 39.59 كيلوبايت |
ئه‌ڤ مالپه‌ره فرێکه
_0.jpg){kind=link}