بنگه‌هه‌كێ‌ نوو یێ‌ ساخله‌میێ‌ ل كومه‌لگه‌ها ته‌ناهی هاته‌ ڤه‌كرن

بنگه‌هه‌كێ‌ نوو و به‌رفره‌ه یێ‌ ساخله‌میێ‌ ل ته‌ناهی ب كوژمێ‌ 828 ملیون دیناران دهێته‌ ئاڤاكرن و دێ‌ خزمه‌تا 15 هزار كه‌سان تێدا هێته‌ كرن.
د.بهائه‌دین به‌شار سه‌عید،  رێڤه‌به‌رێ‌ كه‌رتێ‌ ساخله‌میێ‌ ل قه‌زا سێمێلێ‌ دیاركر كو ئه‌ڤه‌ ئێك ژ پروژێن گرنگه‌ بۆ خه‌لكێ‌ ده‌ڤه‌رێ‌ ب ڤه‌كرنا بنگه‌هێ‌ ساخله‌میێ‌ ته‌ناهی كو زێده‌تر ژ 15 هزار كه‌سان ژ خه‌لكێ‌ ده‌ڤه‌رێ‌ و ده‌وروبه‌را مفایی ژ ڤی پروژه‌یی وه‌رگرن.
ل دۆر ئامێرێن بنگه‌هی گوت: چه‌ندین ئامیرێن پزيشكی ل ڤی بنگه‌هی هاتینه‌ دابین كرن ژ وان ژی  پشكا ددانا ، تیشك ، سونه‌ر و تاقیگه‌هـ و دو جهێن تایبه‌ت بۆ حه‌واندنا نه‌خوشان بشیوێ‌ به‌روه‌خت بۆ ئافره‌ت و زه‌لاما كو ژ دوازده‌ ته‌ختان پێك دهێت.
گوت ژی: ئه‌ڤ پروژه‌ لسه‌ر روبه‌رێ‌ (2400 م2) هاتیه‌ ئاڤاكرن و تێچوویێ‌ وێ‌ ژی 828 ملیون دیناره لسه‌ر بودجێ‌ په‌ره‌پێدانا پارێزگه‌هێ‌ هاتیه‌ مه‌زاختن.