حه‌فت ئامیرێن چێكرنا دوندرمێ‌ ل كه‌مپا دومیز هاتنه‌ ده‌سته‌سه‌ركرن

ب سه‌رپه‌رشیتیا تیمه‌كێ‌ زێره‌ڤانیا ساخله‌میێ‌ سه‌ر ب ریڤه‌به‌ریا كاروبارێن خوپاراستا ساخله‌میێ‌ دگه‌ل پۆلیس و پشكا زێده‌گاڤیا ل باژێرڤانیا كه‌مپا دومیز رابووینه‌ ب هه‌وه‌كا به‌رفره‌ه ژبو كونترولكرنا جهێن گشتی دناڤ كه‌مپا دومیز دا وچه‌ندین جهێن گشتی هاتنه‌ سزادان و دائێخستن.
هاریكارێ‌ خۆپاراستنێ‌ عه‌دنان حه‌سه‌ن دیاركر، پشتی ب شێوه‌یه‌كێ‌ فه‌رمی رازه‌مه‌ندی ژلایێ‌ رێڤه‌به‌ریا كاروبارێن خۆپارستنێ‌ هاتیه‌ وه‌رگرتن هه‌ر ژ ده‌مژمێر شه‌شێ‌ ئێڤاری رابووینه‌ ب هه‌وه‌كا به‌رفره‌هـ و چه‌ندین جهێن گشتی یێن سه‌رپێچی كرین هاتنه‌ دائێخستن ژوانژی دو خارنگه‌هـ و جهه‌كێ‌ ته‌زیاتیا ل گه‌لدا حه‌فت ئامیرێن دوندورمێ‌ هاتنه‌ ده‌سته‌سه‌ركرن دگه‌ل دو عه‌ره‌بانێن گه‌روك یێن شریناهیا كو ل سه‌ر جاده‌یان دهاتنه‌ فروتن.
دیاركر ژی ئه‌ڤ جهه‌ و ئامیره‌ ناهێنه‌ ڤه‌كرن و زڤراندن هه‌تا سوزنامه‌كێ‌ ل ساخله‌میێ‌ و ئاسایشێ‌ و پولیسان تۆمار نه‌كه‌ن داكو ئه‌ڤ كاره‌ دوباره‌ نه‌بیت و ساخله‌میا وه‌لاتیان بهێته‌ پاراستن.
ژیار حه‌مید، ل باژێرڤانیا كه‌مپا دومیز دیاركر كو ئارمانج ژ ڤێ‌ هه‌وێ‌ ئه‌وه‌ كو ئه‌ڤه‌ وه‌رزێ‌ هاڤینێ‌ هات و چه‌ندین نه‌خوشیێن ڤه‌گر و به‌ربه‌لاڤ دێ‌ زێده‌دبن، و ژبۆ كونترۆلكرنا وان نه‌خۆشیان پێدڤیه‌ به‌رده‌وام دووڤچۆنا كه‌مپێ‌ بهێته‌ كرن.