ل دهۆكێ‌ رۆژا جیهانی یا په‌رستاران ب چه‌ند چالاكیان هاته‌ ساخكرن

ب ئاماده‌بوونا هژماره‌كا په‌رستاران ل هه‌ر نه‌خوشخانه‌كێ‌، رۆژا جیهانی یا په‌رستاران ل هه‌موو نه‌خوشخانێن پارێزگه‌ها دهۆكێ‌ هاته‌ ساخكرن.
یوسف حسێن، هاریكارێ‌ رێڤه‌به‌رێ‌ گشتیێ‌ ساخله‌میا دهۆكێ‌ بو كاروبارێن كارمه‌ندێن ساخله‌میێ‌ دیاركر كو كارێ‌ په‌رستاریێ‌ كاره‌كێ‌ مرۆڤایه‌تیه‌ و رۆژا جیهانی یا په‌رستاران روژه‌كا پرشنگداره‌ د دیروكا په‌رستاریێ‌ دا، ژبه‌ركو ل وێ‌ روژێ‌ په‌رستار فلورانس نایتنگل دگه‌ل 38 په‌رستارا كاره‌كێ‌ مه‌زن ئه‌نجام دایه‌ و به‌شداری تیماركرنا بریندارێن شه‌رێ‌ قه‌ره‌م وه‌ك خوبه‌خش كریه‌ و گۆت: هه‌ر وه‌لاته‌كی چه‌ند هێما هه‌نه‌ فلورانس بو هێمایا وه‌لاتێ‌ خوه‌،  له‌ورا رێكخراوا خاچا سورا نیڤ ده‌وله‌تی وه‌ك رێزگرتنه‌ك بو كارێ‌ په‌رستاریێ‌ خه‌لاته‌ك پێشكێشی ڤێ‌ پیشه‌یێ‌ كر.
به‌هجه‌ت ئاڤده‌ل، به‌رپرسێ‌ نڤیسینگه‌ها رێكخراوێن جه‌ماوه‌ری و پێشه‌یی ل لقێ‌ ئێكێ‌ پارتی كو ئاماده‌ی رۆژا جیهانی یا په‌رستاریێ‌ ببوو دیاركر كو خزمه‌تا په‌رستارا هه‌می ده‌ما یا به‌رچاڤه‌ و گه‌له‌ك شه‌ڤ و روژ كرینه‌ ئێك ژبو خزمه‌تكرنا نه‌خوشان و گۆت:  ل ڤێ‌ هه‌لكه‌فتێ‌ پێدڤیه‌ ئه‌م دشه‌فاف بین داكو ده‌ستێ‌ خوه‌ دانینه‌ سه‌ر چه‌ند كێماسیا و خزمه‌تا كه‌رتێ‌ ساخله‌میێ‌ بكه‌ین و  یا باش ئه‌وه‌ ئه‌م هه‌می لایه‌نێن په‌یوه‌ندیدار بزاڤێن خوه‌ زێده‌تر لێ‌ بكه‌ن بو پێشڤه‌برنا ڤی كه‌رتی داكو پتر خزمه‌تا مرۆڤایه‌تیێ‌ بهێته‌ كرن.
په‌ره‌ستاره‌كێ‌ هیڤی خواستن كو ئه‌و بشێن ببینه‌ نموونه‌ بوو هه‌می په‌ره‌ستارێن كوردستانێ‌ و زێده‌تر خزمه‌تا نه‌خوشی بكه‌ن و گۆت: دخوازم هه‌می تیمێن نه‌خوشخانێ‌ ب شێوه‌یێ‌ ئێك گرۆپ كار بكه‌ن.
هه‌ر داخازی و كێماسیه‌ك په‌ره‌ستارا هه‌بیت هیڤیدارین د كابینا حكومه‌تا هه‌رێما كوردستانێ‌ یا داهاتی دا هه‌می بهێنه‌ جێ‌ به‌جێ‌ كرن ژ وانا ژی ده‌رماله‌ێن مه‌ترسێ‌ بۆ په‌ره‌ستارا بهێنه‌ زێده‌تر كرن ژبه‌ركو ئه‌م دگه‌ل نه‌خوشی دمینین هه‌تا ساخله‌میا وی باش دبیت.