لیژنه‌كا پشكنینا چاڤان یا ئێڤاریان ل نه‌خوشخانا چاڤا كه‌فته كاری
هاتیه بلاڤکرن روژا ئێک شه‌مبێ, 25 گولان 2014 - 10:00am
ل دووڤ بڕیارا وه‌زاره‌تێن دارایی و ئابووری و وه‌زاره‌تا ساخله‌میێ ل حوكمه‌تا هه‌رێما كوردستانێ، لیژنه‌كا پشكنینا چاڤان بۆ كه‌سێن پێشكێشی وه‌رگرتنا ده‌ستووریا ترۆمبێلێ دكه‌ن ل نه‌خوشخانا دهۆك یا چاڤا بۆ ده‌مێ ئێڤاریان كه‌ته كاری.
د.محه‌مه‌د صالح حه‌مید، رێڤه‌به‌رێ نه‌خوشخانا دهۆك یا چاڤا دیاركر كو لیژنا شوفێریێ بۆ پشكنینا چاڤان حه‌فتیێ چار رۆژان ئێكشه‌مب هه‌تا چارشه‌مبێ و ژ ده‌مژمێر دو هه‌تا چارێ ئێڤاری دێ كاركه‌ت و گۆت: ئه‌ڤ لیژنه ژ سێ نوشداران پێك دهێت نوشدارێ گشتی و یێ چاڤا و یێ شكه‌ستنێ و ئه‌ڤ لیژنه بۆ برێڤه‌برنا مامه‌لێن شوفێریێ یه.
هه‌روه‌سا دیاركر رۆژانه خه‌لكه‌كێ زور سه‌ره‌دانا لیژنا نوشداریا به‌رده‌وام دكر و هنده‌ك جاران ب حه‌فتیان ژی خه‌لكه‌ك ل ژڤانێ دما، به‌لێ ب ڤه‌كرنا ڤێ لیژنێ دێ كارێ لیژنێن نوژداریا به‌رده‌وام ب ساناهی كه‌ڤیت و بهایێن وێ ل گه‌ل یێن لیژنێن تایبه‌ت ژی ئه‌رزانتره.
ئه‌ڤ مالپه‌ره فرێکه
