خولهكا پێشڤهبرنا ساخلهمیا دهروونى ب دووماهى هات
كورسێ ئێكێ ژ خولا پێشڤهبرنا شیانێن كارمهندێن وارێ ساخلهمیا دهروونى ئهوا ژلایێ رێڤهبهریا گشتى یا ساخلهمیا پارێزگهها دهۆكێ ب ههڤكاریا رێكخراوا UPP هاتیه ڤهكرن و بۆ دهمێ دو حهفتیان ڤهكێشاى ب دووماهى هات و ب ئامادهبوونا د.نزار عصمهت، رێڤهبهرێ گشتیێ ساخلهمیا پارێزگهها دهۆكێ باوهرنامه ل سهر پشكداران هاتنه بهلاڤكرن.
د رێ و رهسمێن ب دووماهى هاتنێ دا، د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو پشكدارێن خولێ دێ شێن سهرهدهریێ ل گهل هندهك شارهزایێن دیتر دوارێ ساخلهمیا دهروونى دا كهن و گۆت: ب ڤهكرنا ڤان خولا پشكدار فێرى تشتێ نوو دوارێ سهرهدهرى و چارهسهریا نهخۆشێن دهروونى دا دبن، لهورا پێدڤیه بهردهوام خول بهێنه ڤهكرن، چونكو مێشكێ گهنج پێدڤى بهردهوام خواندن و فێربوونێ یه ههتا گهنجاتیا خوه ژدهست نهدهت.
د.پهرجان ئاكرهى، ههڤكارێ ساخلهمیا دهروونى ل ساخلهمیا دهۆكێ دیاركر ماوێ خولێ12 رۆژ بوون و تێدا بابهتێن گهشهپێدانا زارۆكى دگهل نهخوشیێن دهروونى یێن گرێداى گهشهپێدانێ وهكو نهخۆشیێن ئوتیزمێ و بیركولیێ و ب زهحمهت فێربوون و ئاخفتنێ هاتنه گهنگهشهكرن و گۆتژى: د سێ ههیڤێن بهێت دا ب رێیا بهرنامێ سكایب یێ ئهنتهرنێتێ ماموستایێن خولێ ژ ئیتالیا ههر حهفتیێ جارهكێ دێ پهیوهندیێ ب پشكداران كهن و كورسێ دوێ ل مهها ئیلونا ئهڤ ساله دێ دهستپێ كهت كو دێ یێ تایبهت بیت ل دۆر ئاستێ زیرهكیا زارۆكان و چاوانیا چارهسهركرنا ئاستهنگێن فێربوونێ.