بۆ جارا ئێكی ههلسهنگاندنا پزشكی ل دهوكێ هاته رێكخستن
وهزارهتا ساخلهمیا عیراقێ پشكا ههلسهنگاندن و پێدڤیێن پزشكی ب ههڤكاریا رێڤهبهریا گشتی یا ساخلهمیا پارێزگهها دهوكێ پشكا كاروبارێن پێشڤهبرنا پێشهیی خولهكا ههلسهنگاندنا پێدڤیێن پزشكی بۆ دهرمانسازێن ههر سێ پارێزگههێن ههرێمێ رێكخست.
"د.ئهبازهر عبدالكهریم صادق" ل پشكا ههلسهنگاندن و پێدڤیێن پزشكی ل وهزارهتا ساخلهمیا عیراقێ دیاركر كو ئهڤه جارا ئێكێ یه خولهكا ب ڤی شێوهیی ل پارێزگهها دهوكێ دهێته ڤهكرن كو تایبهت بیت ب چاوانیا ههلسهنگاندنا پێدڤیێن پزشكی لسهر دهرمانسازا ل بنگههێن ساخلهمیی.
گوت ژی: ئهڤ خوله دێ بۆ دهمێ سێ رۆژان یا بهردهوام بیت و بهرنامێ خولێ پێك دهێت ژ چاوانیا ههلسهنگاندنا پێدڤیێن ساخلهمی، چاوانیا ههلسهنگاندنا پێداوستێن دهرمان دهێته شلوڤه كرن و دیسا تهورێن وێ لسهر دهرمانێن نوو و چاوانیا ههلسهنگاندنا پێدڤیێن دهرمانان ، تێگههێ ئابوری یێ دهرمانا و پێدڤیێنن ماددێن تاقیگهه و پشكنینان دێ هێنه بهحس كرن.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو ههكه وان بڤێت خزمهتا خهلكی بكهن ئێك ژ پێنگاڤێن گرنگ ئهوه بزانن خهلكی پێدڤی ب چ ههیه و گۆت: مه گهلهك ئاریشه ل گهل بهغدا ههنه دهربارهی هاتنا پێدڤیان و رهنگه پشكهك ژوان گرێدای مه بیت ب تایبهت ههكه ئهم گهلهك د هووربین نهبین ددهستنیشانكرنا پێدڤیان دا كو دبیت هندهك جارا پتر یان كێمتر ژ پێدڤیا مه بهێته داخازكرن و ئهڤهژی دێ كارتێكرنێن خوه ههبن. خواست كو بابهتێ پێدڤیان ب گرنگی بهێته وهرگرتن داكو ئهڤ كارتێكرنه نهمینن.