نه‌خوشخانا سه‌د ته‌ختی یا به‌رده‌ره‌ش 10% ێ‌ هاتیه‌ بجهـ ئینان

ئێك ژ مه‌زنترین پروژێن خزمه‌ت گوزاری ل قه‌زا به‌رده‌ره‌ش نه‌خوشخانا سه‌د ته‌ختی یه‌ كو ل نیڤا سالا 2013 به‌رێ‌ بنیاتی بۆ هاتیه‌ دانان كو 10% ژ پروژه‌یی بجهـ هاتیه‌،به‌رپرسێن پروژه‌یی نه‌خوشخانێ‌ ژی دبێژن قه‌یرانا دارایی ل هه‌رێمێ‌ ڤه‌ گرتی كارتێكرن لسه‌ر پروژه‌یی كریه‌.
ئه‌ندازیار سالح محه‌مه‌د ئه‌مین، ئه‌ندازیارێ‌ سه‌رپه‌رشتیار ژلایێ‌ رێڤه‌به‌ریا گشتی یا ساخله‌میا دهوكێ‌ لسه‌ر پروژێ‌ نه‌خوشخانا سه‌د ته‌ختی ل قه‌زا به‌رده‌ره‌ش دیاركر: ئه‌ڤه‌ زێده‌تر ژ چار هه‌یڤایه‌ كار لسه‌ر نه‌خوشخانا سه‌د ته‌ختی یا به‌رده‌ره‌ش دهێته‌ كرن و هه‌یا نها نێزیكی 10% ژ پروژێ‌نه‌خوشخانا سه‌د ته‌ختی ل قه‌زا به‌رده‌ره‌ش بجهـ هاتیه‌.
گوت ژی: ئه‌ڤه‌ بۆ ده‌مێ‌ سێ‌ هه‌یڤایه‌ كار لسه‌ر پروژه‌یی كێم بوویه‌ به‌ری نها زێده‌تر ژ 70 كرێكاران لسه‌ر پروه‌یی كار دكر لێ‌ نها نێزیكی 10 كرێكاران بتنێ‌ لسه‌ر پروژه‌یی كار دكه‌ن.
سه‌رباره‌ت ئه‌گه‌رێن گیروبونا پروژه‌یی گوت: كار لسه‌ر پروژێ‌ نه‌خوشخانێ‌ زۆر لاوازه‌ ئه‌گه‌رێن ڤێ‌ ژی بۆ وێ‌ چه‌ندێ‌ دزڤریت ئه‌و قه‌یرانا دارایی ئه‌وا نها ل هه‌رێمێ‌ بخوڤه‌ گرتی ئه‌ڤ پروژه‌ ژی بێ‌ به‌هر نه‌بوویه‌ ، لێ‌ دگه‌ل ڤێ‌ چه‌ندێ‌ ژی كار لسه‌ر پروژه‌یی نه‌هاتیه‌ راوستان و به‌رده‌وام كار لسه‌ر دهێته‌ كرن.
د.صالح مسته‌فا ئه‌حمه‌د، رێڤه‌به‌رێ‌ كه‌رتێ‌ ساخله‌میێ‌ ل قه‌زا به‌رده‌ره‌ش بۆ گوت: تا راده‌یه‌كێ‌ باش ره‌وشا ساخله‌میا ل قه‌زا به‌رده‌ره‌ش یا باشه‌ لێ‌ ئه‌م بوێ‌ هیڤیێ‌ نه‌ كو زێده‌تر گرنگی ب قه‌زا به‌رده‌ره‌ش بهێته‌ دان د بوارێ‌ ساخله‌میێ‌ هه‌لبه‌ت رێڤه‌به‌ریا گشتی ساخله‌میا دهوكێ‌ به‌رده‌وام هاریكاره‌ بۆ نه‌هێلانا كێم و كا سیان د كه‌رتێ‌ ساخله‌میێ‌ دا ل قه‌زا به‌رده‌ره‌ش دا.
پاشان رێڤه‌به‌رێ‌ كه‌رتێ‌ به‌رده‌ره‌ش به‌حسێ‌ ژوورا نیشته‌گه‌ریێ‌ كر و گوت: د نه‌خوشخانا كه‌ڤن یا به‌رده‌ره‌ش دا ژووره‌كا تایبه‌ت بۆ نیشته‌گه‌ریا هاتیه‌ ئاماده‌ كرن كو ل ده‌مه‌كێ‌ نێزیك دێ‌ كه‌ڤیته‌ كاری كو بریاره‌ رێڤه‌به‌ریا گشتی یا ساخله‌میا دهوكێ‌ ب هه‌فكاریا كومپانیه‌كا نه‌فتێ‌ هه‌می پێتڤێن ژوورێ‌ دابین بكه‌ن.
دیار كر ژی: ئه‌و جهـ یێ‌ تایبه‌ته‌ كو تێدا جهێ‌ دوو نیشته‌گه‌ریا دگه‌ل هوله‌كا پێشوازیێ‌ و ژووره‌كا نڤاندنا نه‌خوشی پشتی نیشته‌گه‌ری بۆ دهێته‌ كرن و هه‌می پێتڤێن پزشكی سه‌رده‌مانه‌ بۆ هاتینه‌ دابین كرن.
ژلایێ‌ خوڤه‌ ژی رێڤه‌به‌رێ‌ كاروبارێن ته‌كنیكی پشتگیری و پشته‌ڤانیا رێڤه‌به‌ریا گشتی یا ساخله‌میێ‌ بۆ هه‌ر هاریكاریه‌كێ‌ نیشان دا ژبۆ پێشڤه‌ برنا كه‌رتێ‌ ساخله‌میێ‌ ل ده‌ڤه‌رێ‌.