یازده‌ كه‌س قوربانێن شه‌رێ‌ داعش ل موسل ره‌وانه‌یی پارێزگه‌ها دهوكێ‌ كرینه‌

د.نه‌وزاد محمد ،رێڤه‌به‌رێ‌ نه‌خوشخانا ته‌نگاڤیا ل پارێزگه‌ها دهوكێ‌ گوت : پشتی رویدانێن شه‌رێ‌ ئه‌وێن ل پارێزگه‌ها موسل هاتینه‌ روویدان كو هژماره‌كا قوربانی و بریندار ل پشت خو هێلایین یازده‌ كه‌س ژ بریندارێن وێ‌ شه‌ری هاتینه‌ ره‌وانه‌ كرن بۆ نه‌خوشخانا ته‌نگاڤیا ل دهوكێ‌ هه‌می چاره‌سه‌ری بۆ هاتینه‌ كرن.
گوت ژی: یازده‌ كه‌سێن ژبریندارێن روویدانا شه‌ری یا باژێرێ‌ مویسل هاتنه‌ ره‌وانه‌كرن بۆ نه‌خوشخانا ته‌نگاڤیا ل دهوكێ‌ هه‌ر تشتێ‌ پێتڤی بۆ هاتیه‌ ئه‌نجام دان ژ وانا ژی چار كه‌س ب گولله‌ێن تڤه‌نگێ‌ بووینه‌ و حه‌فت ژ وانا قوربانێن په‌قینێن وان روویدانێن موسل بوینه‌ و ره‌وشا هه‌میا یا باشه‌ و هنده‌ك ژی هاتنه‌ ره‌وانه‌كرن بۆ جهێن تایبه‌ت دا چاره‌سه‌ری بۆ بهێته‌ كرن.
دیار كر ژی: هنده‌ك ژ وانا نیشته‌گه‌ری بۆ هاتینه‌ كرن كو ئێك ژ وانا ب سه‌چمه‌ك ژ وێ‌ په‌قینێ‌ ب زكێ‌ وی كه‌فت بوو لێ‌ خوشبه‌ختانه‌ چ كارتێكرن ل هناڤێت وی نه‌كر بوو نیشته‌گه‌ری بۆ هاته‌ ئه‌نجام دان ره‌وشا ساخله‌میا وی یا باشه‌ و هنده‌ك بریندارا ژی ده‌ست و پێ وان هات بوونه‌ بریندار كرن یا پێتڤی بوو هاته‌ كرن.
 رێڤه‌به‌رێ‌ نه‌خوشخانێ‌ گوت ژی: نه‌خوشخانا ته‌نگاڤیا ب هه‌می نوژدار و په‌ره‌ستار و كارمه‌ندێن خوه‌ ڤه‌ به‌رهه‌ڤن بۆ هه‌ر روویدانه‌كا نه‌ چاڤه‌رێ‌ كری و قوربانێن باژێرێ‌ مویسل.
ئاماژه‌ ب وێ‌ چه‌ندێ‌ ژی دا : سێ‌ رویدانێن ترومبێلا هه‌ر ژ باژێرێ‌ مویسل كو چ په‌یوه‌ندی ب وی شه‌ری ڤه‌ نه‌بووون ره‌وانه‌یی نه‌خوشخانا ته‌نگاڤیا ل پارێزگه‌ها دهوكێ‌ كرینه‌.