ساخله‌میا دهۆكێ‌ هژماره‌كا ده‌رمانان ره‌وانه‌ی ئه‌لقوش كرن

وه‌ك هاریكاری بۆ په‌نابه‌رێن باژێرێ‌ مووسل، رێڤه‌به‌ریا گشتی یا ساخله‌میا پارێزگه‌ها دهۆكێ‌ رابوو ب دابینكرنا هژماره‌كا ده‌رمان و پێدڤیێن نوشداری بۆ بنكه‌هێ‌ ساخله‌میا ئه‌لقوش.

ژێده‌ره‌كی ژ پشكا ده‌رمانسازی و پێدڤیێن نوشداری دیاركر ئه‌ڤرۆ 12/6/2014 و ژ پێخه‌مه‌ت پتر ئاسانكرنا كارێ‌ تیمێن ساخله‌میێ‌ ئه‌وێن رێڤه‌به‌ریا گشتی یا ساخله‌میا پارێزگه‌ها دهۆكێ‌ پێك ئیناین، رابوون ب دابینكرنا هژماره‌كا ده‌رمان و پێدڤیێن نوشداری بۆ بنگه‌هێ‌ ساخله‌میا ئه‌لقوش كو پێكهاتی بوون ژ ده‌رمانێن ڤێراگه‌هشتنێن ده‌ستپێكێ‌ و ده‌مێن ته‌نگاڤیان و گۆت: ژبلی ڤێ‌ چه‌ندێ‌ رێڤه‌به‌ریا گشتی یا ساخله‌میا پارێزگه‌ها دهۆكێ‌ تیمێن گه‌رۆك ژی بۆ باشتركرنا ره‌وشا نه‌خۆشان و پێشكێشكرنا خزمه‌تێن ساخله‌میێ‌ پێكئیناینه‌ و رۆژانه‌ 24 ده‌ژمێران ل گه‌ل خومه‌تا 122 د كاری دانه‌.