ساخله‌میا دهۆكێ و فاكولتیا زانستێن پزیشكى كۆمبوون

 ساخله‌میا دهۆكێ و فاكولتیا زانستێن پزیشكى كۆمبوون

ب مه‌ره‌ما پتر هه‌ماهه‌نگى دناڤبه‌را رێڤه‌به‌ریا گشتى یا ساخله‌میا پارێزگه‌ها دهۆكێ و فاكۆلتیا زانستێن پزیشكى، ل رۆژا 15/6/2014 كۆمبوونه‌كا هه‌ڤپشك ب ئاماده‌بوونا د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ و د.عارف یونس، راگرێ فاكۆلتیا زانستێن پزیشكى و هژماره‌كا كه‌سانێن په‌یوه‌ندیدار ژ هه‌ردو لایه‌نان هاته‌ ئه‌نجامدان.

د كۆمبوونێ دا به‌حسێ ئاریشێن هه‌ڤپشك دناڤبه‌را هه‌ردو ئالیان دا ژ پێگیریێ ب ده‌وامێ و دووڤچۆنا كارێ هه‌ڤپشك ل ناڤ ده‌زگه‌هێن ساخله‌میێ هاته‌ كرن.

خالێن هه‌ڤپشك پێكهاتیبوون ژ پێشڤه‌برنا پرۆگرامێن فێركرن و راهێنانێ ه‌ هه‌ماهه‌نگى دناڤبه‌را زانكۆیێ و سه‌نته‌رێن بۆردێ و رێڤه‌به‌ریێن نه‌خۆشخانا و رێڤه‌به‌ریا گشتى یا ساخله‌میا پارێزگه‌ها دهۆكێ و دیسا پێدڤى و چاوانیا دروستكرن و ده‌ستنیشانكرنا ڤه‌كولینێن زانستى كو ل دووڤ پێدڤیێن ساخله‌میێ بهێنه‌ ئه‌نجامدان و پێگیرى ب ده‌وامێ و دووڤچۆنا كارێ نوشدارێن هه‌ڤپشك دناڤبه‌را هه‌ردو ئالیان دا.

پشتى گه‌نگه‌شه‌كا دوور ل دۆر خالێن كومبوونێ هاتیه‌ كرن، رێككه‌فتن كو لیژنێن هه‌ڤكاریێ دناڤبه‌را واندا بهێنه‌ پێكئینان داكو ژهه‌موو لایه‌كى ڤه‌ پێگیرى ب خالێن هه‌ڤپشك بهێته‌ كرن.