دووڤچۆنا كلینیكان و نه‌خۆشخانێن تایبه‌ت یا به‌ردوامه
هاتیه بلاڤکرن روژا ئێک شه‌مبێ, 15 خزیران 2014 - 6:10pm
مەتین جمیل
دووڤچۆنا كلینیكان و نه‌خۆشخانێن تایبه‌ت یا به‌ردوامه
ب مه‌ره‌ما پتر خورتكرن و دووڤچۆنا كلینیكێن نوژدار و كارمه‌ندێن ساخله‌میێ و ده‌رمانخانه و كوگه‌هان و نه‌خۆشخانێن تایبه‌ت، رێڤه‌به‌ریا گشتى یا ساخله‌میا پارێزگه‌ها دهۆكێ ب شێوه‌یه‌كێ رێكخستى كۆمبوونان ل گه‌ل لیژنه و سه‌ندیكایێن په‌یوه‌ندیدار ئه‌نجام دده‌ت.
بۆ ڤێ مه‌ره‌مێ رۆژا 14/6/2014 ب سه‌رپه‌رشتتیا د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دو كۆمبوون هاتنه ئه‌نجام دان و تێدا به‌حسێ كارێن هاتینه ئه‌نجامدان هاته كرن.
د.به‌ختیار ئه‌حمه‌د، رێڤه‌به‌رێ پشكا ته‌كنیكى ل رێڤه‌به‌ریا گشتى یا ساخله‌میا دهۆكێ دیاركر كو مه‌ره‌م ژ ئه‌نجامدانا ڤان كۆمبوونا ئه‌و بوو دووڤچۆنا كارێ لیژنێن هاتینه پێكئینان بهێته كرن و دیسا پتر هه‌ڤكارى دناڤبه‌را رێڤه‌به‌ریا گشتى یا ساخله‌میا دهۆكێ و سه‌ندیكایان دا هه‌بیت و دیسا پلان هه‌بن بۆ چاوانیا سه‌ره‌ده‌ریێ ل گه‌ل كلینیكان و بتایبه‌ت ل ده‌مێ كێماسى دهێنه دیتن و میكانیزمه‌ك بهێته دانان بۆ تێكگه‌هشتنێ.
د.به‌ختیار ئه‌حمه‌د، ئه‌وژى دیاركر كو ل گه‌ل نه‌خۆشخانێن تایبه‌ت ژى كومبوونه‌ك هاته به‌ستن و تێدا داخواز هاته كرن پتر هه‌ماهه‌نگى هه‌بیت بۆ ب سه‌ركه‌فتنا كارى و دیسال چاوانیا نووكرنا ده‌ستووریێن كارى و ئینانا تیمێن نوشدارى یێن بیانى هاته كرن.
ئه‌ڤ مالپه‌ره فرێکه
