ههموو زارۆیێن د كهمپان دا دژین دێ هێنه ڤاكسیندان
ههموو زارۆیێن د كهمپان دا دژین دێ هێنه ڤاكسیندان
وهك بهردهوامى ب ههوێن ڤاكسیندانێ و پشتى چهند حالهتێن فالنجا زارۆیان ل وهلاتێن سۆریا و عیراقێ دهركهفتین، رێڤهبهریا گشتى یا ساخلهمیا پارێزگهها دهۆكێ دهست ب ههوهكا ڤاكسیندان و كر و بڕیار ئهوه ههموو زارۆیێن ئێك رۆژى ههتا پێنج سالى د ناڤ كهمپێن پهنابهران دا بهێنه ڤاكسیندان.
د.سیروان محهمهد، رێڤهبهرێ كارۆبارێن خوپاراستنا ساخلهمیێ دیاركر كو ئهڤرۆ 15/6/2014 ههوهكا ڤاكسیندانێ بۆ زارۆیێن ئێك رۆژى ههتا پێنج سالى دهستپێكر و بۆ دهمێ پێنج رۆژان دێ یا بهردهوام بیت و گۆت: ئهڤ ههوه ب تنێ بۆ وان زارۆیانه یێ ل ناڤ كهمپێن پهنابهران ژیانا خوه دهرباز دكهن و بهرى نوكه ژى ههموو هاتینه ڤاكسیندان.
رێڤهبهرێ كارۆبارێن خوپاراستنا ساخلهمیێ دیاركر كو 8009 زارۆ د ڤێ ههوێ دا دێ هێنه ڤاكسیندان كو ل ههردو كهمپێن دومیز و گوێلان دژین و گۆت: 22 تیمێن ڤاكسیندانێ یێن هاتینه پێك ئینان و بڕیاره بۆ دهمێ پێنج رۆژان یا بهردهوام بیت.