ههشت تیمێن ههوار هاتنێ خوبهخش دێ گههنه هێزین پێشمهرگهیی ل موسل
ههشت تیمێن ههوار هاتنا بلهز 122 ب ههمی تیم و كارمهند و هاریكارێ نوژداری و ههمی پێتڤێن نوژداری و چارهسهریا دهستپێكی دگهل دا ههنه رهوانهیی وان دهڤهران كرن ئهوێن هێزێن لهشكهرێ و پێشمهرگهیی كوردستانێ ل دهڤهرێن موسل كو ژلایێ رێڤهبهریا گشتی ڤه ههمی ئاسانكاری بۆ هاتینه كرن ،دا كو بمینه دگهل وان هێزا دا چارهسهریا نهخوش و برینداران بهێته كرن.
د.نزار عصمهت،رێڤهبهرێ گشتی ساخلهمیا پارێزگهها دهوكێ دیار كر: پشتی كو ژوورهك بۆ دیفچوونا رۆژانه یا پێتڤێن وان كاودانێن نوكه ئهوێن ل پارێزگهها موسل پهیدا بووین كو ژ ههشت كهسان هاتیه پێك ئینان كو تێدا بریار هاتبوو دان ههمی نهخوشخانهیێن گشتی ل سنورێ دهوك و زاخو و ئاكرێ و شێخان د ئامادهباشیێ دابن بۆ دهمێ 24 دهمژمێران پێشوازیێ ل بریندار و نهخوشان بكهن.
گوت ژی: د ڤان كاودانان دا خزمهتێن ساخلهمیێ بهرفرهه تر لێ دكهین لهورا ههشت تیمێن ههوار هاتنا بلهز 122 دهێنه رهوانهكرن دا كو خزمهتا هێزێن لهشكهری و پێشمهرگێن كوردستانێ بكهن،گوت ژی: ژبۆ ههر روویدانهكێ دا ب زووترین دهم چارهسهری بۆ بریندار و نهخوشان بهێته كرن.
ژلایێ خوڤه "ههیسهم عهبدی"رێڤهبهرێ سهنتهرێ ههوارهاتنا بلهز (122) ل پارێزگهها دهوكێ گوت : پشتی وان روویدانێن ڤێ دوماهیێ ل پارێزگهها موسل پهیدا بووین و ژبۆ ڤێ چهندێ ژی ههشت تیمێن ههوار هاتنا بلهز 122 دهێنه رهوانهكرن كو خو جهـ بن دگهل هێزێن پێشمهرگهیی ههر كارهكێ پێتڤی بیت هێزێن پێشمهرگهیی و لهشكهرێ كوردستانێ كو دشیان دابیت بهێته كرن.
گوت ژی:ئهڤ تیمه پێك هاتیه ژ ههشت ئیسعاف كو ب تیمهكێ تمام ژ كارمهندێن ساخلهمیی و هاریكارێن نوژدارا بشێوهیهكێ خوبهخشن دێ كار كهن و ههمی پێتڤێن چارهسهریا دهستپێكی دگهل وان تیما دا ههنه.
سهبارهت ب دابهش كرنا وان تیما ههیسم عهبدی دیار كر:ئهڤ ههشت تیمه هاتینه دابه شكرن بڤی شێوهیی دوو تیم بۆ دهڤهرا شهلالاتا كو دكهڤیته دناڤبهرا شێخان موسل دا، دوو تیم بۆ دهڤهرا بهدریكێ ، دوو تیم بۆ دهڤهرا كهسكێ، دوو تیم بۆ دهڤهرا رهبیعه و ئهگهر هاتوو پێتڤی كر ریێڤهبهریا گشتی یا ساخلهمیا دهوكێ و تیمێ ههوار هاتنا 122 تیمێن خو ل وان دهڤهرا زێده دكهت.
گوت ژی: ههر تیمهك دێ بۆ دهمێ پێنج رۆژان دگهل هێزێن پێشمهرگهیی دا بن و پاشان ئهو تیم دێ زڤرن تیمهكێ دی دچیته جهێ وان ئهڤ پروسه دێ یا بهردهوام بیت ههتا رهوشا دهڤهرێ ئارام دبیت.