وه‌زاره‌تا ساخله‌میا عیراقێ و ساخله‌میا پارێزگه‌ها دهوكێ هایداری ره‌وشا كه‌مپێن دومیز و باعه‌درێ دبن
هاتیه بلاڤکرن روژا ئه‌ینی, 20 خزیران 2014 - 12:12pm
وه‌زاره‌تا ساخله‌میا عیراقێ و ساخله‌میا پارێزگه‌ها دهوكێ هایداری ره‌وشا كه‌مپێن دومیز و باعه‌درێ دبن و شانده‌كێ وه‌زاره‌تا ساخله‌میا عیراقا فیدرال گه‌هشته پارێزگه‌ها دهوكێ كو ب سه‌روكاتیا جێگرێ وه‌زیرێ ساخله‌میا حكومه‌تا عیراقێ و رێڤه‌به‌رێ گشتی ساخله‌میا پارێزگه‌ها موسل هه‌ڤدیتنه‌ك دگه‌ل رێڤه‌به‌رێ گشتی ساخله‌میا پارێزگه‌ها دهوكێ كر و ژبۆ هایدار بوون ژ ره‌وشا په‌نابه‌ران ل هه‌رێما كوردستانێ بتایبه‌تی ل پارێزگه‌ها دهوكێ و به‌حسێ ره‌وشا ئاواره‌ێن موسل بۆ دهوكێ و په‌نابه‌رێن كوردێن رۆژئاڤا ل كه‌مپا دومیز هاته كرن.
د. نزار عصمه‌ت رێڤه‌رێ گشتی ساخله‌میا پارێزگه‌ها دهوكێ‌دیار كر: ژ پێخه‌مه‌ت خورتكرنا هه‌ماهه‌نگی و هه‌ڤكاریێ دناڤبه‌را وه‌زاره‌تا ساخله‌میا هه‌رێمێ و عیراقا فیدرال ل به‌غدا و رێڤه‌به‌ریا گشتی ساخله‌میا دهوكێ ژبو پێشكێشكرنا باشترین خزمه‌تێن ساخله‌میێ بو خه‌لكێ ئاواریان ئه‌وێن ل باژێرێ موسل و رۆژئاڤایێ كوردستانێ هاتیه پارێزگه‌ها دهوكێ و ده‌وروبه‌را ئاكنجی بووین بهێنه دابین كرن.
گوت ژی: رێڤه‌به‌ریا گشتی یا ساخله‌میا دهوكێ ب هه‌می شیانێن خوڤه ب نه‌خوشخانه و بنگه‌هێن ساخله‌میێ ل سنورێ پارێزگه‌ها میسل دێ پشته‌ڤانیێ لێ كه‌ین ژبۆ ڤێ چه‌ندێ ژی پێنج تیمێن ساخله‌میێ دگه‌ل چه‌ندین ترومبێلێن هه‌وارهاتنێ و سازیێن خوڤه هه‌می به‌رهه‌ڤی هاتیه‌كرن دا كو خزمه‌تا بۆ وان په‌نابه‌ران ئه‌وێن ل هه‌ردوو كه‌مپێن ناڤبری بهێته كرن.
ژلایێ خوڤه "د. خه‌میس حسێن" جێگرێ وه‌زیرێ ساخله‌میا حكومه‌تا عیراقا فیدرال گوت: پشتی كو به‌حسێ ره‌وشا په‌نابه‌ران هاتیه كرن دگه‌ل ساخله‌میا دهوكێ پاشان ب سه‌ره‌دانه‌كێ چوینه كه‌مپێن ئاواره‌یێن پارێزگه‌ها موسل ژ نێزیك هایداری ره‌وشا ژیانا وان بووین ئه‌و خزمه‌تێن بۆ وان ژلایێ حكومه‌تا هه‌رێما كوردستانێ و ئه‌و رێكخراوێن نیڤ ده‌وله‌تی بۆد هێنه پێشكێش كرن.
گوت ژی: تا رادایه‌كێ باش خزمه‌ت هاتیه كرن لێ ئه‌م داخازێ ژ وه‌زاره‌تا ساخله‌میا عیراقا فیدرال و وه‌زاره‌تا ساخله‌میا حكومه‌تا هه‌رێمێ و هه‌می رێكخراوێن نیڤ ده‌وله‌تی زێده‌تر خزمه‌تێن ساخله‌میی و هه‌می پێتڤێن ژیانێ بۆ ڤان په‌نابه‌ران دابین بكه‌ن.
ل دوماهیێ ژی گوت: پاشان سه‌ره‌دانا كه‌مپا په‌نابه‌رێن كوردێن روژئاڤا كر مه‌ره‌ما سه‌ره‌كی ئه‌وه داكو ژ نێزیك سه‌حكه‌ینه ئه‌وان خزمه‌تێن ساخله‌میێ بو په‌نابه‌رێن ڤان هه‌ردوو كه‌مپا و ده‌وروبه‌را دهێنه پیشكێشكرن و پشته‌ڤانی و هاریكاریا وه‌زاره‌تا ساخله‌میا عیراقێ بۆ هه‌ر هاریكاریه‌كێ بۆ وان په‌نابه‌ران دیار كر ژبه‌ركو بارگرانیه‌كا زور لسه‌ر ملێن وانه‌یه و رولێ وه‌زاره‌تا ساخله‌میا هه‌رێمێ ژی بلند هه‌لسه‌نگاند.
ئه‌ڤ مالپه‌ره فرێکه
