ساخلهمی بۆ بهرهنگاربوونا نهخۆشییا كولێرایێ خوه بهرههڤ دكهت
ژ بهرهاتنا ههژمارهكا زۆرا پهنابهران بۆ پارێزگهها دهۆكێ، سازیێن ساخلهمییێ خوه ئێخسته د ئامادهباشیێ بۆ بهرهنگاربوونا نهخۆشیێن ڤهگر مینا كولێرا و زكچوونێ.
د. كاوه محهمهد ئهمین بهر پهرسێ پشكا نهخۆشیێن ڤهگر ل رێڤهبهریا كاروبارێن خوپاراستا ساخلهمیێ گوت: ئهم د قهیرانا پهنابهراداینه و ههژمارهكا زۆرا ئاوارهو و دهربهدهرا نها ل سنۆرێ پارێزگهها دهۆكێنه ، لهورا ئهم رابوینه ب سازدانا خولهكا ئێك روژی بۆ خۆ ئامادهكرنێ و بهرگریێ ژ نهخۆشیێن ڤهگر مینا نهخۆشییا كولێرایێ زكچوونا دژوار.
دا دیاركر ژی، ئهڤ ستافێ ساخلهمیێ هاته بهرههڤكرن بۆ ههر پێشهاتهكا ههبیت بۆ بهرسنگرتنا ڤان نهخۆشییان و چهوانیا سهرهدهریكرنێ دگهل كهسێن توش دبن.
زێدهتر گۆت: خول بۆ ههژمارهكا نوشدارێن پارێزگههێ ب سهرپهرشتییا رێكخراوا ساخلهمییا جیهانی هاتیه ڤهكرن و دو شارهزایێن بهنگلادشی د وارێ چارهسهركرنا نهخۆشیا كولێرایێ ل سهر ئاستێ جیهانێ كو ژسهنتهرێ دهكا یێ ههڤكار دگهل رێكخراوا ساخلهمییا جیهانی بو كنترۆلكرنا زكچوونا دژوار .
دهێته زانین زێدهباری هاتنا ههژمارهكا زۆرا پهنابهرێن سووری بۆ پارێزگهها دهۆكێ، نها ژ بهر رهوشا خرابا پارێزگهها مووسل و چهند دهڤهرێن ئیراقێ، گهلهك ژ وهلاتیێن وان دهڤهرا ئاوارهیێ پارێزگههێ بووینه.