هژماره‌كا رێكخراوان ل دۆر ساخله‌میا په‌نابه‌رێن مۆسل كۆم دبن
هاتیه بلاڤکرن روژا ئێک شه‌مبێ, 29 خزیران 2014 - 4:36pm
مەتین جمیل
هژماره‌كا رێكخراوان ل دۆر ساخله‌میا په‌نابه‌رێن مۆسل كۆم دبن
رێكخراوا ساخله‌میا جیهانى 21 ته‌نێن ده‌رمانان بۆ په‌نابه‌رێن عیراقى دابین دكه‌ت
ژبۆ باشتر خزمه‌تكرنا په‌نابه‌رێن باژێرێ مۆسل، رێڤه‌به‌ریا گشتى ساخله‌میا پارێزگه‌ها دهۆكێ ل گه‌ل رێكخراوێن ساخله‌میا جیهانى و رێكخراوێ، نێڤ ده‌ولى و جڤاكێ مه‌ده‌نى و چه‌ند نوشدارێن په‌یوه‌ندیدار كۆمبوون.
د. به‌ختیار ئه‌حمه‌د، رێڤه‌به‌رێ كارۆبارێن ته‌كنیكى دیاركر كو دكۆمبوونێ دا خالێن باشتركرنا خزمه‌تێن ساخله‌میێ بۆ په‌نابه‌رێن مۆسل و ده‌وروبه‌ران هاتنه به‌حسكرن و گۆت: هه‌تا نوكه دۆرێن حه‌فت هزار خێزانان گه‌هشتینه و ده‌رباره‌ى خێزانێن ل دهۆكێ دهێنه تۆماركرن ژى هه‌ر ل ده‌ستپێكێ هه‌موو پێرابوونێ، خوپاراستنێ بۆ دهێنه وه‌رگرتن و دۆرێن 300 زارۆیان هاتینه ڤاكسیندان و ئه‌م ئاگه‌هداردكه‌ین كو پێگیریێ ب خشتێ ڤاكسیندانێ بكه‌ن.
دیاركر ژى هه‌ڤكارى دناڤبه‌را ساخله‌میا دهۆكێ و رێكخراو و ده‌زگه‌هێن نێڤده‌ولى یا به‌رده‌وامه و بڕیار ئه‌وه حه‌فتیانه كۆمبوون بهێنه كرن و گۆتژى: تیمێن ساخله‌میێ ل به‌دریكێ و سحێلا و كه‌سكێ و ره‌بیعه هاتینه دانان و رۆژانه 24 ده‌مژمێران دكارى دانه داكو پتر خزمه‌تا په‌نابه‌ران بكه‌ن.
هه‌روه‌سا دیاركر كو رێكخراوا ساخله‌میا جیهانى رابوویه ب دابینكرنا 21 ته‌نێن ده‌رمانان پێشكێشى وه‌زاره‌تا ساخله‌میا هه‌رێما كوردستانێ كرینه.
ئه‌ڤ مالپه‌ره فرێکه
