دو تیمێن ساخلهمیێ بۆ پشتهڤانیا پێشمهرگهى بهر ب رهبیعه چوون
دو تیمێن ساخلهمیێ بۆ پشتهڤانیا پێشمهرگهى بهر ب رهبیعه چوون
رێڤهبهریا گشتى یا ساخلهمیا پارێزگهها دهۆكێ بهردهوام ب رێیا تیمێن ساخلهمیێ و دابینكرنا دهرمان و پێدڤیێن نوژدارى پشتهڤانیێ ل هێزێن پێشمهرگهى دكهت.
ئهڤرۆ 2/7/2014 دو تیمێن ساخلهمیێ كو چ نوژدار و كارمهندێن ساخلهمیێ پێكهاتیبوون قهستا دهڤهرا رهبیعه كرن و دێ بهردهوام د كارى دا بن بۆ پشتگیریا هێزێن پێشمهرگهى.
د.نزار عسمهت، رێڤهبهرێ گشتیێ ساخلهمیا پارێزگهها دهۆكێ دیاركر، هژمارهكا تیمێن ساخلهمیێ هاتینه پێكئینان و گۆت: تیمێن ناڤبرى ل دهڤهرێن رهبیعه، كهسكێ، سحێلا و بهدریكێ كاردكهن و ههموو پێدڤیێن ساخلهمیێ ژ دهرمان و ئامیرێن تهنگاڤیان دگهلدانه.
رێڤهبهرێ گشتیێ ساخلهمیا پارێزگهها دهۆكێ دیاركر ژى ژبلى چارهسهریێ ل بهرۆكێن شهرى، ئهوان نهخوشخانا تهنگاڤیان ل دهۆكێ و ههموو پشكێن تهنگاڤیان ل نهخوشخانێن زاخۆ و ئاكرێ ژى بۆ مهرهمێن هاریكاریێ دهستنیشانكرینه و گۆتژى: ههتا نوكه هژمارهكا زور یا دهرمان و پێدڤیێن ساخلهمیێ بۆ ئاكنجیێن وان دهڤهران ژى هاتینه هنارتن.