ڤیته‌رنه‌رى و ساخله‌مى دێ تیمێن هه‌ڤپشك بۆ پشته‌ڤانیێ ل پێشمه‌رگه‌ى پێك ئینن
هاتیه بلاڤکرن روژا ئێک شه‌مبێ, 6 تیرمه‌هـ 2014 - 8:56pm
ڤیته‌رنه‌رى و ساخله‌مى دێ تیمێن هه‌ڤپشك بۆ پشته‌ڤانیێ ل پێشمه‌رگه‌ى پێك ئینن
ژڤانه هژماره‌كا كارمه‌ندێن ڤیته‌رنه‌ریا دهۆكێ پشكداریێ ل گه‌ل تیمێن ساخله‌میێ بكه‌ن بۆ پشته‌ڤانیكرنا هێزێن پێشمه‌رگه‌ى ل چه‌په‌رێن به‌ره‌ڤانیێ.
د كومبوونه‌كێ دا دناڤبه‌را رێڤه‌به‌ریا گشتى یا ساخله‌میا پارێزگه‌ها دهۆكێ و رێڤه‌به‌ریا ڤیته‌رنه‌ریا دهۆكێ دانوستاندن ل سه‌ر بابه‌تێ ناڤبرى هاته كرن.
د.دیار ته‌یب، رێڤه‌به‌رێ ڤیته‌رنه‌ریا دهۆكێ دیاركر كو وان گه‌له‌ك كارێن هه‌ڤپشك ل گه‌ل رێڤه‌به‌ریا گشتى یا ساخله‌میا پارێزگه‌ها دهۆكێ كرینه و گۆت: هه‌تا نوكه 119 كارمه‌ندێن ڤیته‌رنه‌ریێ ناڤێن خوه تۆماركرینه كو خزمه‌تا هێزێن پێشمه‌رگه‌ى بكه‌ن و ژبه‌ركو قه‌وارێ كارێ مه یێ ده‌ستنیشانكریه، له‌ورا ئه‌م ب باشتر دزانین ل گه‌ل تیمێن ساخله‌میێ هه‌ڤبگرن.
د.دیار ته‌یب دیاركر ژى ژبلى كارێن خوبه‌خش پترى 70 كارمه‌ندێن وان به‌رهه‌ڤییا خوه ده‌ربریه كو هه‌ر ده‌مێ پێدڤى ببنێ ئه‌و خوینا خوه ببه‌خشن و گۆتژى: لیژنه‌كا تایبه‌ت بۆ سه‌رپه‌رشتیا كارۆبارێن پشته‌ڤانیێ هاتیه پێكئینان و ب هه‌ڤكارى ل گه‌ل ساخله‌میێ دێ كه‌ڤنه كارى.
د.نزار عصمت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو كاره‌كێ باش ل گه‌ل ڤیته‌رنه‌ریێ دێ هێته كرن و گۆت: نوكه هژماره‌كا مه‌زن یا تیمێن ساخله‌میێ و ترۆمبێلێن ڤێراگه‌هشتنێ د كارى دانه و ل ده‌ڤه‌رێن ( باشیكێ و به‌دریكێ و شلالات و سحێلا و ره‌بیعه و كه‌سكێ) كارێ خوه دكه‌ن و ده‌ستپێشخه‌ریا رێڤه‌به‌ریا ڤیته‌رنه‌ریا دهۆكێ دێ بیته هانده‌ره‌ك كو كارێن به‌رفره‌هتر بهێنه ئه‌نجامدان.
ئه‌ڤ مالپه‌ره فرێکه
