لیژنا ساخله‌میێ‌ ل په‌رله‌مانێ‌ كوردستانێ‌ سه‌ره‌دانا پێشمه‌رگه‌یی كر

ل دووڤ به‌رنامه‌كێ‌ ب رێك و پێك یێ‌ لیژنێن په‌رله‌مانێ‌ هه‌رێما كوردستانێ‌، لیژنا ساخله‌میێ‌ ل په‌رله‌مانی سه‌ره‌دانا خالێن سنوری یێن پێشمه‌رگه‌ی كرن و نێزیك سه‌حكرنه‌ ئه‌وان كێماسی و پێدڤیێن وان.
د.عه‌بدولا جاسم، ئه‌ندامێ‌ په‌رله‌مانێ‌ كوردستانێ‌ گۆت: ده‌سته‌یا سه‌رۆكاتیا هه‌رێما كوردستانێ‌ و لژنا ساخله‌می وه‌ك لژنێن پێشمه‌رگه‌ی و ناڤخویی ل په‌رله‌مانی بریار دان سه‌ره‌دانا سه‌نگه‌رێن پێشمه‌رگه‌یی بكه‌ن ل نێزیك ئاگه‌هداربیت ل سه‌ر كێم و كاسیێن وان، مه‌ ژی وه‌ك ئه‌رك ل سه‌ر ملێن خو زانی سه‌ره‌دانا هێزا زێره‌ڤانیا شه‌لالاتا ل نێزیك مویسل سه‌ر ب لیوا دوازده‌ ڤه‌ و لیوا به‌دریكێ‌ دگه‌ل تیمێن ساخله‌میێ‌ یێن دگه‌ل وان كاردكه‌ن بكه‌ین.
د.عه‌بدولا جاسم گوت ژی: ئه‌م دگه‌ل شانده‌كێ‌ رێڤه‌به‌ریا ساخله‌میا پارێزگه‌ها دهۆكێ‌ پشتی دگه‌ل رێڤه‌به‌رێ‌ گشتی كوم بووین، پشتی مه‌ سه‌ره‌دانا وان كری بو مه‌ دیار بوو هه‌می پێدڤیێن حاله‌تێن ته‌نگاڤیا و نورمال د به‌رهه‌ڤبووینه‌، دبیت هنده‌ك كێماسی هه‌بن لێ‌ ئه‌ڤ تیمێن هه‌وارهاتنێ‌ د ئاماده‌باشیێ‌ دانه‌، هه‌ر دڤێ‌ حه‌فتیێ‌ دا سه‌ره‌دانا هه‌می خالێن پێشمه‌رگه‌یی ئه‌وێن دكه‌ڤنه‌ ده‌ڤه‌رێن ره‌بیعه‌ و كه‌سكێ‌ بكه‌ین ئه‌وێن سه‌ر ب سنورێن پارێزگه‌ها دهۆكێ‌ ڤه‌.