بنگههێ ئێكێ یێ نموونهى ل مسێریكێ هاته ڤهكرن
ل مسیرێكێ بۆ جارا ئێكێ یه بنگهههكێ ساخلهمیێ یێ نموونهى دكهڤیته كارى و ب ئامادهبوونا قایمقامێ سێمێلێ مازن محمهد سهعید و هژمارهكا لایهنێن پهیوهندیدار دوهى 20/7/2014 ئهڤ بنگههه هاته ڤهكرن.
د.نزار عسمهت رێڤهبهرێ گشتى ساخلهمیا پارێزگهها دهوكێ بۆ ئهڤرۆ دیاركر ئارمانجا سهرهكى ژ ڤى پروژهیى بهێزكرنا چاڤدێریا ساخلهمیا دهستپێكێ و ههمى خزمهتێن وێ ل نێزیكى خهلكى ههبن، گوت: ژبهر ڤێ چهندێ ژى بنگههى ههمى خزمهتێن تاقیگههـ و تیشك و نوشدارێن تایبهتمهند و نوشدارێن ژنان و زارۆ بوونێ دگهل ههمى جورێن دهرمانێن پێدڤى دبن دێ ههبن و خهلكێ مه نهچار نابیت سهرهدانا جههكێ دى بكهت بۆ چارهسهریێ.
گۆت ژى: ئێك ژكارێن بنگههێن نموونهى، دروستكرن و نووكرنا ئامارێن گشتى یه داكو بشێن ب رێیا وان سهرهدهریێ ل گهل پێزانینێن دووماهیێ سهبارهت ههر نهخوشیهكا زێده بهربهلاڤ ببیت بكهین.
د.نزار عسمهت دیاركر ژى ئارمانجا حوكمهتا ههرێمێ ئهوه ئهڤ جوره خزمهته ل ههمى بنگهها ههبن، بهلێ د شیان دا نینه ئهڤ جوره خزمهته د ئێك دهمدا ل ههمى بنگهها بهێنه دابین كرن ئهڤهژى ب رێكا رێكخراوێن تایبهتمهند ڤه تایبهت رێكخراوا (USAID) كو ئهڤ كاره دگهل وهزارهتا ساخلهمیێ كریه و ب باوهریا مه د پاشهروژێ دا ههمى بنگهه دێ بنه نموونهیى.
د.گهلاوێژ بایز، رێڤهبهرا گشتى یا پروژێ چاڤدێریا ساخلهمیا دهستپێكى ل ههرێما كوردستانێ بو ئهڤرۆ ئاشكراكر پروژێ چاڤدێریا ساخلهمیا دهستپێكى ب پشتهڤانیا رێكخراوا (USAID) دگهل وهزارهتێن ساخلهمیێ ل ئیراقێ و ههرێمێ دهێنه بجهئینان و گۆت:ل ههر پارێزگهههكێ دو بنگههێن نموونهیى بۆ ساخلهمیا دهستپێكى دێ هێنه دانان، د ڤان بنگهها دا مه ههول دایه كو ل دووڤ پیڤهرێن نیڤ دهولهتى ههمى خزمهتێن ساخلهمیێ بهێنه دابینكرن دا كو بشێین خزمهتێن ساخلهمیێ پێشكێشى خهلكێ خوه بكهین و گۆتژى:ب ڤهكرنا بنگههێ نمونهیى ئاشتى یێ ساخلهمیا دهستپێكى پێنگاڤهكا گهلهك باشه ژبهر كو دڤان بنگههان دا ههمى پێتڤێن نوشدارى و چارهسهریێ هاتینه دابین كرن.