بنگه‌هێ خانكێ یێ ساخله‌مى بو بنگه‌هێ نمونه‌یى
هاتیه بلاڤکرن روژا ئه‌ینی, 25 تیرمه‌هـ 2014 - 3:00am
ئه‌ڤرۆ ب ئاماده‌بونا د.به‌ختیار ئه‌حمه‌د رێڤه‌به‌رێ پشكا ته‌كنیى ل رێڤه‌به‌ریا گشتى یا ساخله‌میا دهۆكێ و د.بهائه‌دین به‌شار رێڤه‌به‌رێ كه‌رتێ ساخله‌میا قه‌زا سێمێلێ و خه‌لكێ كومه‌لگه‌ها خانكێ بنگه‌هێ خانكێ یێ ساخله‌مى وه‌ك ده‌ه‌م بنگه‌هێ نمونه‌یى ل كه‌رتێ سێمێلێ هاته ڤه‌كرن.
د.به‌ختیار ئه‌حمه‌د رێڤه‌به‌رێ پشكا ته‌كنیكى ل رێڤه‌به‌ریا گشتى ساخله‌میا دهوكێ دیار كر: ئه‌ڤه دووه‌م بنگه‌هێ نموونه‌یێ ساخله‌میا ده‌ستپێكى یه ل قه‌زا سێمێل دهێته ڤه‌كرن و ژ كارێن هه‌ره گرنگه د كارێن رێڤه‌به‌ریا گشتى ساخله‌میى ئه‌وه كو باشترین خزمه‌تێن ساخله‌میێ پێشكێشى خه‌لكێ خوه بكه‌ین، و گوت: هه‌مى ئارمانجا مه ئه‌وه كو خه‌لكێ مه ژ وان خزمه‌تێن ساخله‌میى رازى بن ژبه‌ركو هه‌ر كاره‌كێ دهێته كرن ژ پێخه‌مت به‌رژه‌وه‌ندێن خه‌لكێ مه دایه و داخازێ ژ خه‌لكێ خوه دكه‌ین كو به‌شدار بن دڤان پروژێن گرنگ دا ژبه‌ركو پێكڤه كار كرن ئه‌نجامێن وێ دێ باشتر بن.
د.به‌ختیار ئه‌حمه‌د دیاركر ژى ئه‌ڤ پروژه دوو ساله به‌رده‌وام كار لسه‌ر دهێته كرن ژلایێ وه‌زاره‌تا ساخله‌میا ئیراقێ و وه‌زاره‌تا ساخله‌میا هه‌رێما كوردستانێ دگه‌ل رێكخراوا (USAID) یا تایبه‌ت ب خزمه‌تێن ساخله‌میا ده‌ستپێكى، دا ئه‌ڤ بنگه‌هه ببنه بنگه‌هێن نموونه‌یى هه‌مى خزمه‌تێن ساخله‌میى ژ لایێ ئامیرێن نوشدارى و راهێنێن نوشدار و كارمه‌ندێن ساخله‌میى دڤان بنگه‌هان دا هه‌بن.
د.بهائه‌دین به‌شار رێڤه‌به‌رێ كه‌رتێ ساخله‌میا قه‌زا سێمێلێ گوت: د كه‌رتێ ساخله‌میێ دا ده‌مێ بنگه‌هه‌كێ نموونه‌یى دهێته ڤه‌كرن ئانكو پێتڤى یه كاره‌كێ باش بهێته كرن د هه‌مى ئاستادا ژبو پێشكێشكرنا خزمه‌تێن باش بۆ وان ناوچا بهێنه پێشكێشكرن، و گوتژى: ئه‌ڤ كارێ رێكخراوا USAID چه‌ند هه‌یڤه ماینه كو پروژێ وان ب دوماهیك بهێت له‌ورا ب دیتنا مه ئه‌م دشێن به‌رده‌وامیى بده‌ینه ڤى پروژه‌یى و هه‌مى بنگه‌هێن ساخله‌میى بكه‌ینه بنگه‌هێن، د پلانا مه دایه ل ده‌مه‌كێ نێزیك بنگه‌هێن (ته‌ناهى ، گولان ) یێن سه‌ر ب كه‌رتێ سێمێلێ ڤه نه بكه‌ینه بنگه‌هێن نمونه‌یى.
ئه‌ڤ مالپه‌ره فرێکه
