ساخله‌میا دهۆكێ هاریكارى بۆ پشته‌ڤانیا ئاواره‌یێن شنگالێ كۆمكرن
هاتیه بلاڤکرن روژا سێ شه‌مبێ, 5 ته‌باخ 2014 - 9:31am
ژ بۆ هاریكارى و پشته‌ڤانیا خه‌لكێ شنگالێ كو ژبه‌ر ره‌وشا ده‌ڤه‌را شنگاێ و ده‌وروبه‌رێن وێ ئاواره‌ى دهۆكێ بووینه، رێڤه‌به‌ریا گشتى یا ساخله‌میا پارێزگه‌ها دهۆكێ ب هه‌موو ده‌زگایێن ساخله‌میێ ده‌ست ب هه‌وه‌كا كۆمكرنا پشته‌ڤانیێ كر و هه‌موو فه‌رنابه‌ران پشكدارى تێدا كر.
“د. نزار عسمه‌ت” رێڤه‌به‌رێ گشتیێ ساخله‌میا پارێزگه‌ها دهوكێ دیاركر نوكه وه‌لاتێ مه د كاودانه‌كێ نه نورمال دا ده‌ربارز دبیت كو مه شه‌ره ل گه‌ل چه‌كدارێن توندره‌وێن داعش لسه‌ر سنورێن كوردستانێ بو پاراستنا ده‌ڤه‌رێن سه‌ر ب هه‌رێما كوردستانێ ڤه، له‌ورا هژماره‌كا زورا خه‌لكی ژ دەرڤه‌رێن جودا جودا ئاواره‌ی كوردستانێ بووینه، گه‌له‌ك ژ وان ب تنێ ب جلكێن خوه ڤه هاتینه و چ تشت دگه‌ل خوه نه ئیناینه و پێدڤی ب پشته‌ڤانیا مه هه‌میانه و گۆت: رێ؟ه‌به‌ریا گشتى یا ساخله‌میا پارێزگه‌ها دهۆكێ ب هه‌موو پشكێن خوه‌ڤه ژ فه‌رمانبه‌را پشته‌ڤانیا په‌نابه‌ران به‌رده‌وام دكه‌ن كو پرانیا وان په‌نابه‌رێ، شنگالێ نه و ل كومه‌لگه‌هێن شاریا و باعه‌درێ و خانكێ و هنده‌ك كه‌مپێن به‌روه‌خت ژى ئاكنجینه، له‌ورا ب فه‌رى دزانین سندوقه‌كا هاریكاریێ ژى بۆ وان بهێته دانان كو پشته‌ڤانیا وان بكه‌ین ب هه‌مى لایه‌كیڤه.
د.نزار عسمه‌ت، دیاركر ژى داكو پتر خومه‌تا په‌نابه‌ران ل وان ده‌ڤه‌ران بهێته كرن وان بریار دایه هه‌موو بنگه‌هێن ساخله‌میێ ل ده‌ڤه‌رێن كو په‌نابه‌ر قه‌ست دكه‌نێ ببنه 24 ده‌مژمێرى و گۆت: هه‌موو ده‌رمان و پێدڤیێن نوشدارى ژى بۆ وان بنگه‌هان هاتینه ئاماده‌كرن.
ئه‌ڤ مالپه‌ره فرێکه
