نگه‌هێن ساخله‌میێ هه‌تا ده‌مژمێر 12ێ شه‌ڤێ دێ كاركه‌ن
هاتیه بلاڤکرن روژا دوو شه‌مبێ, 11 ته‌باخ 2014 - 12:00pm
بنگه‌هێن ساخله‌میێ هه‌تا ده‌مژمێر 12ێ شه‌ڤێ دێ كاركه‌ن
ژبه‌ر زێده‌بوونا هژمارا ئاوه‌ره‌یان ل پارێزگه‌ها دهۆكێ، رێڤه‌به‌ریا گشتى یا ساخله‌میا پارێزگه‌ها دهۆكێ بڕیار دا هه‌موو بنگه‌هێن ساخله‌میێ ل سه‌رانسه‌رى پارێزگه‌ها دهۆكێ هه‌تا ده‌مژمێر 12ێ شه‌ڤێ كاربكه‌ن.
د.به‌ختیار ئه‌حمه‌د، رێڤه‌به‌رێ پشكا ته‌كنیكى ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركر كو به‌رى نوكه ده‌وام ل بنگه‌هێن ساخله‌میێ ل ده‌ژمێر دو یێ پشتى نیڤرۆ ب دووماهى دهات، به‌لێ ژبه‌ر زێده‌بوونا هژمارا ئاوه‌ره‌یان ل سنورێ پارێزگه‌ها دهۆكێ وان بڕیار دایه نوبه‌دارى ل هه‌موو بنگه‌هێن ساخله‌میێ بهێنه دانان و هه‌تا ده‌مژمێر 12ێ شه‌ڤێ د كارى دابن و گۆت: چاره‌سه‌رى بۆ ئاوه‌ره‌یان ب هه‌روه ل هه‌موو ده‌زگه‌هێن ساخله‌میێ دێ هێته كرن.
د.به‌ختیار دیاركر ژى كو گه‌له‌ك ئاواره ل ناڤ قوتابخانێن پارێزگه‌ها دهۆكێ ئاكنجى بووینه و ره‌نگه هه‌میان شیان نه‌بن ل ده‌مێ نه‌خۆشیێ سه‌ره‌دانا ده‌زگه‌هێن ساخله‌میێ بكه‌ن، له‌ورا وان هژماره‌كا تیمێن ساخله‌میێ پێكئینایه و هه‌ر ژ دوهى وه‌ره سه‌ره‌دانا هه‌مى قوتابخانان دكه‌ن و چاره‌سه‌ریا یێن پێدڤى دهێته كرن.
ئه‌ڤ مالپه‌ره فرێکه
