ساخله‌میا دهۆكێ كومبونه‌كا به‌رفره‌ه دگه‌ل هه‌مى رێكخراوێن جڤاكێ مه‌ده‌نى ل دهۆكێ كاردكه‌ن گرێدا
هاتیه بلاڤکرن روژا دوو شه‌مبێ, 11 ته‌باخ 2014 - 12:02pm
ساخله‌میا دهۆكێ كومبونه‌كا به‌رفره‌ه دگه‌ل هه‌مى رێكخراوێن جڤاكێ مه‌ده‌نى ل دهۆكێ كاردكه‌ن گرێدا
د.نزار عسمه‌ت رێڤه‌به‌رێ گشتى یێ ساخله‌میا دهۆكێ دیاركر ئه‌ڤرو مه هه‌مى رێكخراوێن جڤاكێ سڤیل و سه‌نته‌رێن ره‌وشه‌نبیرى كومڤه‌كرینه ل ڤێرێ ژ بو پتر ئاگه‌هدار بون ل سه‌ر ره‌وشا وى خه‌لكێ مه یێ ژ چیایێ شنگالێ هاتینه رزگار كرن و قه‌ستا دهۆكێ كرى و ل جهێن گشتى ئاكنجى ببن و ئه‌م وێ پێشبینیێ دكه‌ین وه‌رزێ هاڤینێ یه نه‌خوشیێن ڤه‌گر هه‌بن وه‌ك زكچون و بتایبه‌تى ئه‌گه‌ر پیساتى كوم بت و ئاڤا پاقش نه‌بت ئه‌م پێدڤى هاریكاریا ڤان رێكخراوانه چونكى ساخله‌مى بتنێ نه‌شێت ل هه‌مى جها به‌رهه‌ڤبین و هه‌مى كارار ئه‌نجام بده‌ن و د هه‌مان ده‌م دا چاره‌سه‌ریا وان بكه‌ین و ڤاكسین دان و بلند كرنا ئاستێ وان یێ ره‌وشه‌نبیرى و هه‌روه‌سا مه داخاز ژوان كر ئه‌م تیما دروستكه‌ن بشێن ئاستێ وان یێ ره‌وشه‌نبیرى به‌رز بكه‌ن ل سه‌ر پاقژیێ و ئه‌و تیمه هاریكاریێ ل سه‌ر پاقژیێ بكه‌ن پشت راستكه‌ن كو ئاڤا پاقژ بگه‌هیته وان د هه‌مان ده‌مدا تیمێن خوبه‌خش ل سه‌ر ده‌رونێ وان كاربكه‌ن ژبه‌ر وان نه‌خوشیێن روژێن بورى ل چیایى دیتین كارتێكرن هه‌م ل ده‌رون وساخله‌میا وان كریه، پترای وان نه‌خوشیێن مه دناف واندا دیتین نه‌خوشیێن هشك بوینه وه‌ك زك ئێشك و ته‌شى گه‌رمێ بوینه و زارو نه‌شێن خو ل به‌ر بگرن دبیت توشى مرنێ ببن و هه‌روه‌سا دانعه‌مر ژى هنده‌ك نه‌خوشیێن دى دێ بنه ئه‌گه‌رێ سه‌رباركێن چه‌ند نه‌خوشیێن دى، تانوكه ئێك زارۆ ل ل نه‌خوشخانێن مه گیانێ خو ژ ده‌ست دایه و هه‌روه‌سا دانعه‌مره‌كى ژى گیانێ خو ژ ده‌ست دایه.
په‌رله‌مانتار محه‌مه‌د عه‌لى یاسین ژ لژنا جڤاكێ سڤیل گوت: ئه‌م وه‌ك لژنا جڤاكێ سڤیل به‌رده‌وام د په‌یوه‌ندیادانه دگه‌ل جڤاكێ سڤیل و ئێك ژ كارێن مه یێ ئێكێ ئه‌و بو ئه‌ڤرو ئه‌م شیاین كومبونه‌كێ دگه‌ل وان رێكخراوێن سڤیل یێن ئه‌گتیڤ ل دهۆكێ كارێ خو دكه‌ن كوم ببَن، سه‌ره‌ده‌رى كرن دگه‌ل قه‌یرانا ئێك ژ كارێ رێكخراوێن جڤاكێ سڤیله، مه هه‌ول دایه كو مه په‌یوه‌ندى ل سه‌ر ئاستێ جیهانێ ژى هه‌بن ب خوشحالیڤه ئێكه‌م بانگه‌واز ژ لایێ كوردێن باكور ڤه ژ ئامه‌دێ هه‌ر ژ جڤاكێ سڤیلن و دگه‌ل مه دئاما ده‌نه ل دهۆكێ و پشته‌ڤانیا خو دیاركرن بو هه‌ر هاریكاریه‌كا ژ وان بهێته كرن، یارگرنگ ئه‌وه ئه‌م بزانین ئه‌م پیتڤى چنه و ئه‌و دێ شێن چ هاریكارى پێشكێشى مه بكه‌ن، ئێك ژ ئالیێن هه‌ره گرنگ ساخله‌میا ئاوارانه ژ لایێ مه‌ڤه جهێن وان نه گه‌له‌ك د پاقژن له‌و ئێك ژ ئاریشێن مه پاقژكرنا جهێن وانه وان ئاوارانه ژ به‌ر هندێ مه داخاز ژ رێكخراوێن ئاماده كریه خوبه‌خشا په‌یدابكه‌ن ژ بو پاقژكرنا جهێن وان و ره‌وشه‌نبیرى كرنا وان ل دور پاقژیێ و ئه‌م دێ ئالاڤێن پاقژیێ بو وان به‌رهه‌ف كه‌ین.
ئه‌ڤ مالپه‌ره فرێکه
