دو تیمێن ساخله‌میا دهۆكێ گه‌هشتنه سه‌رێ چیایێ شنگالێ
هاتیه بلاڤکرن روژا دوو شه‌مبێ, 11 ته‌باخ 2014 - 12:04pm
دو تیمێن ساخله‌میا دهۆكێ گه‌هشتنه سه‌رێ چیایێ شنگالێ
داكو پتر خزمه‌تا ئاوارێن سه‌رێ چیایێ شنگالێ بهێته كرن، رێڤه‌به‌ریا گشتى یا ساخله‌میا پارێزگه‌ها دهۆكێ دو تیمێن ساخله‌میێ هنارتنه چیایێ شنگالێ و ل وێرێ دێ چاره‌سه‌ریا نه‌خۆشان هێته كرن.
د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ژبه‌ر ره‌وشا ناله‌بار یا ئاكنجیێن چیایێ شنگالێ و داكو چاره‌سه‌ریا وان ب شێوه‌كێ باش بهێته كرن، ئه‌و رابوون ب هنارتنا دو تیمێن ساخله‌میێ كو پێك دهێن ژ دو نوشدار و دو هاریكارێن نوشدارى بۆ سه‌رێ چیایێ شنگالێ و هه‌موو پێدڤیێن ته‌نگاڤیان ژى دگه‌لدانه و گۆت: به‌رى نوكه ژى ب رێیا فرۆكێ هژماره‌كا ده‌رمانێن هه‌وارهاتنێن ب له‌ز بۆ سه‌رێ چیاى هاتبوونه هنارتن كو پێكهاتیبوون ژ ده‌رمان و پێدڤیێن تیماركرنێ و ده‌رمانێن ئێشێن دومدرێژ و هنارتنا ڤان هه‌ردو تیمان دێ پشته‌ڤانى بیت كو ب شێوه‌یه‌كێ باشتر خزمه‌تا ئاكنجیێن چیایێ شنگارێ ژلایێ چاره‌ساریێ بهێته كرن.
د.نزار به‌كر، رێڤه‌به‌رێ نه‌خۆشخانا هیڤى یا زارۆیان ژى دیاركر كو دوهى تیمه‌كێ نوشدارى كو پێكهاتیبوو ژ هژماره‌كا نوشدارێن تایبه‌تمه‌ند سه‌ره‌دانا هه‌موو خالێن پێشمه‌رگه‌ى ژ سحێلا هه‌تا مه‌حمودیێ كرن و ده‌رمان و پێدڤیێن نوشدارى پێشكێشى وان كرن و هژماره‌كا پێشمه‌رگان ژى فێرى چاوانیا پێشكێشكرنا خزمه‌تێن ڤێراگه‌هشتنێن ده‌ستپێكێ كرن ل ده‌مێ پێدڤى و گۆتژى: هه‌ر وى تیمى سه‌ره‌دانا كه‌مپا باجدكه‌ندالا كر و هژماره‌كا ده‌رمان و كه‌له‌په‌لێن نوشدارى راده‌ستى رێڤه‌به‌ریا كه‌مپێ كرن.
ئه‌ڤ مالپه‌ره فرێکه
