هه‌وا ڤاكسینێ دژى نه‌خوشیا فالنجا زاروكا ل دهوكێ ده‌ست پێكر

 هه‌وا  ڤاكسینێ دژى نه‌خوشیا فالنجا زاروكا ل دهوكێ ده‌ست پێكر

د.كاوه‌ محه‌مه‌د ئه‌مین،به‌رپرسێ پشكا نه‌خوشێن ڤه‌گر ل رێڤه‌به‌ریا كاروبارێن خوپاراستنا ساخله‌میێ ل پارێزگه‌ها دهوكێ گوت: ئارمانج ژ ڤێ هه‌وه‌ ئه‌وه‌ ژبۆ رزگاركرنا زاروكا ژ فالنجى بوونێ ژبه‌ركو گه‌له‌ك كه‌س هه‌نه‌ تووشى نه‌خوشیا فالنجا زاروكا بووینه‌ ژبه‌ركو ئه‌ڤ ڤاكسینه‌ ل ده‌مێ زاروكاتیێ نه‌وه‌رگرتبوو.ئه‌ڤ فاكسینه‌ بۆ زاروكێن ئیچك رۆژى هه‌تا پێنج سالى دهێته‌ كرن داكو ئه‌ڤ نه‌خوشیه‌ بهێته‌ ژناڤبرن.

گوت ژى: پشتى كو هاتیه‌ دیار كرن حاله‌ته‌ك ل به‌غدا هاتیه‌ تومار كرن له‌ورا ل سه‌رانسه‌رى عیراقێ و بتایبه‌تى ل هه‌رێما وردستانێ هه‌مى ئاماده‌باشى بۆ رێگرتن ژ ڤێ نه‌خوشیێ هاتیه‌ كرن و ئه‌ڤه‌ چه‌ندین هه‌وێن فاكسینێ ل هه‌رێمێ هاتنه‌ ئه‌نجام دان.

دیار كرژى: پشتى ئه‌ڤ كاوادنێن نها ل عێراقێ په‌یدا بوویى ژ هاتنا په‌نابه‌رێن پارێزگه‌ها موسل و ده‌وروبه‌رێن وێ دگه‌ل ئه‌و ره‌وشا نها یا ل شنگال و زورمار دروست بووى خه‌لكه‌كێ زور هاتنه‌ و ل پارێزگه‌هێن هه‌رێمێ ئاكنجى بووینه‌.ژبۆ رێگرتن ژ نه‌خوشێن ڤه‌گر دناڤا وان په‌نابه‌ران دا چه‌ندین هه‌وێن فاكسینێ دهێنه‌ ئه‌نجام دان .

گوت ژى: ئه‌ڤ هه‌وه‌ دێ بۆ ده‌مێ پێنج رۆژان ل سه‌رانسه‌رى هه‌رێمى و ل پارێزگه‌ها دهوكێ ژى تیمێن ساخله‌میێ دێ ل بنگه‌هێن ساخله‌میێ و هنده‌ك تیمێن گه‌روك دێ ب هه‌وا ڤاكسین دانێ دژى نه‌خوشیا فالنجا زاروكا رابن.