نوشدارێن نوو و ساخلهمیا بارزان كهمپینێن چارهسهریێ بۆ ئاوارهیان پێك دئینن
نوشدارێن نوو و ساخلهمیا بارزان كهمپینێن چارهسهریێ بۆ ئاوارهیان پێك دئینن
دۆرێن 30 نوشدارێن نوو دهرچووین بهرى بهێنه دامهزراندن، ل گهل كارمهندێن رێڤهبهریا ساخلهمیا بارزان، ب ههڤكاریا رێڤهبهریا گشتى یا ساخلهمیا پارێزگهها دهۆكێ كهمپینێن چارهسهریێ بۆ ئاوهرهیان دێ پێك ئینن وهكو خوبهخش.
د. نزار عسمهت، رێڤهبهرێ گشتیێ ساخلهمیا پارێزگهها دهۆكێ دیاركر كو ژبهر زێده هاتنا ئاوارهیان وان پێدڤى ب خۆبهخشان ههیه، لهورا وان هزر ل نوشدارێن نوو دهرچووین كر كو ل گهل تیمێن ساخلهمیێ كاربكهن و گۆت: كارمهندێن ساخلهمیا بارزان ژى بڕیار دایه ل گهل ساخلهمیا دهۆكێ د ڤى بیاڤى دا كاربكهن و ئهڤ چهند پێنگاڤهكا گرنگه د وارێ هاریكاریێ دا.
دیاركر ژى دهرمان و ترۆمبێلێن ئهمبولانس و پێدڤیێن نوشدارى ل گهل تیمێ ناڤبرى ههنه و گۆت: ئهڤه دێ بیته بارسڤكیهك بۆ ساخلهمیا دهۆكێ و دێ شێن بنگهههكێ ساخلهمیێ ل جهێن پهنابهرێن شنگالێ دروست كهن و خزمهتێن خوه پێشكێشى وان بكهن.
د.ههوار عهبدوللا،رێڤهبهرێ ساخلهمیا بارزان دیاركر ساخلهمیا بارزان ل ژێر "درووشمێ ئهم ههمى پێشمهرگهینه یان دگهل دێ ئێك مرین یان دێ پێكڤه ژین" وان سهرهدانا رێڤهبهریا گشتى یا ساخلهمیا پارێزگهها دهوكێ كریه هژمارهكا باش ئامیر و كهلوپهلێن نوشدارى دگهل دگهل خوه ئیناینه و گۆت: چهندین نوشدار و كارمهندێن ساخلهمیێ دگهل تیمهكێ ههوارهاتنا ساخلهمیا دهستپێكى ژى دگهل مهیه كو بشێوهیهكێ خوبهش كار بكهین ژبۆ كو ئهم بشێن ب ههفكاریا ساخلهمیا دهوكێ چارهسهریا پهنابهرێن خوه یێن شنگالێ بكهین.