زێدهتر ژ 120 نوشدار و كارمهندێن ساخلهمیێ خوبهخش چارهسهریا پهنابهران دكهن
د.بهختیار ئهحمهد،رێڤهبهرێ پشكا تهكنیكی ل رێڤهبهریا گشتی یا ساخلهمیا پارێزگهها دهوكێ دیار كر: پشتی تێك چوونا رهوشا دهڤهرێ و هاتنا هژمارهكا زۆر یا پهنابهرێن شنگال و زومار و دهوروبهرێن وێ بۆ ههرێمێ و پارێزگهها دهوكێ ب تایبهتی جوره بارگرانیهك لسهر كهرتێ ساخلهمیێ دروست بوویه ژبهر كو زێدهتر ژ شیانێن مه كار لسهر كهرتێ ساخلهمیێ دروست بوویه.
گوت ژی: ههتا نوكه هژمارهكا باش یا نوشدارێن تایبهتمهندێن نیشتهگهریا و تایبهتمهندێن جودا جودا و كارمهندێن ساخلهمیێ ژ كو زێدهتر ژ 120 كهسان پێك دهێت وهك ئهركهكێ مروڤایهتی و نیشتیمان پهروهری خزمهت و چارهسهریا پهنابهرێن شنگالێ دكهن.
دیار كر ژی: رۆژ ب رۆژێ هاتنا پهنابهران بۆ پارێزگهها دهوكێ د زێدهبوونێ دایه لهورا ئهم پێشبینی دكهین كو كهرتێ ساخلهمیێ ل دهوكێ پێتڤی ب 150 نوشدار و كارمهندێن ساخلهمیێ ههیه و لهورا داخازێ ژ ههموو نوشدار و كارمهندێن ساخلهمیێ ژی دكهین ئهوێن نوكه ل كارێ خوه نین یان مولهتا كاری وهرگرتیه بهێن و خزمهتا پهنابهرێن شنگالێ بكهن د اكو رهوشا وان یا ساخلهمیێ باشتر لێ بهێت.