تیمێ نوشدارێن دهوكێ یێن خزمهتا سهرێ چیایێ شنگارێ كرین
تیمێ نوشدارێن دهوكێ یێن خزمهتا سهرێ چیایێ شنگارێ كرین
د.هشیارژ تیمێ لسهرێ چیایێ شنگارێ : ل دیڤ پلانهكێ ل رێڤهبهریا گشتى یا ساخلهمیا دهۆكێ رابو ب دروستكرنا تیمهكێ نوشدارى بهێته رهوانه كرن بو چیایێ شنگالێ د ههوارا وى خهلكێ دهربهدهر بویه چیایێ شنگالێ، ئهڤ تیمه ژ چار كهسا پێك هات بو دوو نوشدار بون و دوو هاریكارێن نوشدارى بناڤێ بژار و عبدالرحمن.
د.هشیار گوت: ل روژا شهمبى 9/8/2014 ئهم گههشتینه چیایێ شنگالێ بو ماوێ دو روژا ئهم ماینه دناڤ خهلكیدا، ل دهمێ گههشتنا مه بو چیایێ خهلك ل دور مه كوم بو پسیاركرن كا ئهم كینه پشتى مه خو بو دایه نیاسین ههمى پێك ڤه ههاریكار بون دگهل مهدا، مه ل دهسپێكێ چادرهك دانا و مه بنگههێ خو دانا ب هاریكاریا وى خهلكى مهدانا، مه كومهكا دهرمانا مه دگهل خو بربون یێت ئهم پێدڤى، پتریا نهخوشیێن مه ل ناف وان دیتین گهلهك بون، گهلهك بریندار ل وێ رێ ههبون ههمى یێن دهمێ هێرشا داعش بون، گهلهك ژ خهلكى نهخوشیێن دوم درێش ههوبون یێن پێتڤى چارهسهریا نوشدارى ههبون.
د.هشیار گوت ژى: تیمێ مه یێ نوشدارى بتنێ نه چارهسهرى دكر مه گهلهك كار كرن ژ وان مه هندهك كهس دهست نیشانكرن ئهوێن پێتڤى چارهسهریێن ب لهز ههین و مهكوم كرن و ب فروكێ مه رهوانهیى دهۆكێ كرن، ل دیف فهرمانا رێڤهبهریا ساخلهمیا دهۆكێ ئهم زڤرینه و د پلانا مهدایه تیمهكێ دى بچیته چیایێ شنگالێ و ل جههكێ دى چارهسهریا خهلكى بكهت.