میرخچك ل ده‌ڤه‌را كانى ماسێ په‌یدادبن
هاتیه بلاڤکرن روژا دوو شه‌مبێ, 18 ته‌باخ 2014 - 10:08pm
میرخچك ل ده‌ڤه‌را كانى ماسێ په‌یدادبن
خوپاراستنا ساخله‌میێ: میركخچكا مه‌ترسى لسه‌ر ژیانا زارۆیان نینه
پشتى په‌یدابوونا چه‌ند حاله‌تێن نه‌خۆشییا نیرخچكا ئانكو خوریكێن ئاڤێ ل سنوورێ پارێزگه‌ها دهۆكێ بتایبه‌ت ل ده‌ڤه‌را كانیماسێ؛ خوپاراستنا ساخله‌میێ راگه‌هاند كو چ مه‌ترسی لسه‌ر ژیانا زارۆیان نینه.
د. سه‌گڤان حه‌سه‌ن ژ رێڤه‌به‌ریا كاروبارێن خوپاراستنا ساخله‌میێ دیاركر؛ پترییا حاله‌تێن نه‌خۆشییا نیرخچكا لده‌ڤ زارۆیێن ل ژێر 10 سالیێ په‌یدا دبیت، مینا ئه‌نفلوه‌نزایێ دهێته ڤه‌گوهاستن، لێ چ مه‌ترسى لسه‌ر ژیانا زارۆیان په‌یدا ناكه‌ت.
دا زانین ئه‌ڤ نه‌خۆشییه ل دوو رۆژێن ده‌ستپێكى خوریانه‌كا زۆر په‌یدا دبیت و بۆ ماوه‌یێ 10 رۆژان ب ته‌مامى شوونوارێن وێ لسه‌ر پیستى زارۆى نامینن، لێ ژبۆ هندێ كو ئه‌ڤ نه‌خۆشییه نه‌هێته ڤه‌گوهاستن یا باشتر ئه‌وه ئه‌و زارۆیێ نیرخچك لده‌ڤ په‌یدا دبن بۆ ماوه‌یێ حه‌فتیه‌كێ بهێته پاراستن و دوركرن ژ زارۆیێن ده‌وروبه‌را داكو نه‌خۆشی به‌ربه‌لاڤ نه‌بیت.
رێڤه‌به‌ریا كاروبارێن خوپاراستنا ساخله‌میێ ل پارێزگه‌ها دهۆكێ داخواز ژ وه‌لاتیێن پارێزگه‌هێ كر پاقژییا ناڤ مالا خوه ب پارێزن و ژ هه‌موو ئالیه‌كێ داكو دوور بن ژ مه‌ترسیێن هه‌ر نه‌خۆشییه‌كێ.
ئه‌ڤ مالپه‌ره فرێکه
