ژبلى زارويێن دهۆكێ پترى 60 هزار زارۆيێن ئاواره ڤاكسينا فالنجێ وه‌ردگرن
هاتیه بلاڤکرن روژا دوو شه‌مبێ, 18 ته‌باخ 2014 - 10:10pm
رێڤه‌به‌ريا كاروباريێن خوپاراستنا ساخله‌ميێ ل پارێزگه‌ها دهۆكێ راگه‌هاند، هه‌وا ڤاكسيندانێ دژى نه‌خۆشييا فالنجا زارۆيان يا به‌رده‌وامه و تا نها زێده‌ترى 240 هزار زارۆ ل پارێزگه‌ها دهۆكێ هاتينه ڤاكسيندان.
د. لوما حازم سه‌رپه‌رشتا هه‌وا ڤاكسيندانێ دژى نه‌خۆشييا فالنجا زارۆيان ل پارێزگه‌ها دهۆكێ دياركر، دڤێ گه‌را هه‌وا ڤاكسيندانێ دا تا نها زێده‌ترى 240 هزار زارۆيان ڤاكسين وه‌رگرتيه، ژ وانا پتر ژ 60 هزار ژ وانا زارۆيێن ئاواره‌تى ه بتايبه‌ت يێن شنگالێ و زێده‌بارى 10 هزار زارۆيێن ئاوارێن سوورى.
سه‌باره‌ت زارۆيێن ڤاكسين نه‌وه‌رگرتى سه‌رپه‌رشتا هه‌وا ڤاكسيندانێ زێده‌تر گۆت: مه‌ترسييا په‌يدابوونا نه‌خۆشييا فالنجا زارۆيان هه‌يه، له‌و دخوازين هه‌ر زارۆيێ ل ژێر پێنج ساليێ ڤاكسين وه‌رنه‌گرتبيت سه‌ره‌دانا بنگه‌هێن ساخله‌ميێ بكه‌ن بۆ پاراستنا زارۆيێن وان.
دهێته زانين لدووڤ ئارمانجا هه‌وا بۆرى يا ڤاكسيندانێ ل پارێزگه‌ها دهۆكێ 180 هزار زارۆيێن خه‌لكێ پارێزگه‌هێ ڤاكسين وه‌ردرگ و بۆ ڤێ گه‌رێ زارۆيێن ڤاكسين وه‌رگرتى گه‌هشتيه 240 هزاران، ئه‌ڤ د ده‌مه‌كيدايه كو نها زێده‌تر 600 هزار ئاواره ل پارێزگه‌ها دهۆكێ هه‌نه
ئه‌ڤ مالپه‌ره فرێکه
