رێكخراوا ساخله‌میا جیهانى هایدارى ره‌وشا ئاواره‌یا دبیت

پشتى گه‌هشتنا ژماره‌كا زور ژ په‌نابه‌را ژ میسل و ده‌روبه‌رێن وێ و شنگارێ ئه‌ڤى خه‌لكى پێدڤى ب گه‌له‌ك خزمه‌تا هه‌یه‌ و ب تایبه‌تى خزمه‌تێن ساخله‌میێ یێن ده‌ستپێكى و خوپاراستنێ ,رێكخراوا ساخله‌میا جیهانى دكومبونه‌كێدا دگه‌ل ساخله‌میا دهوكێ . 

د. به‌ختیار ئه‌حمه‌د به‌رپرسێ پشكا ته‌كنیكى گوت : ئه‌ڤ كومبونه‌ هاته‌ به‌ستن ژبو ئاگه‌هداربون لسه‌ر ره‌وشا په‌نابه‌را یێن قه‌ستا پارێزگه‌ها دهوكێ كرین و هه‌ماهه‌نگیا وان دگه‌ل كه‌رتێ ساخله‌میێ , رێڤه‌به‌ریا گشتى ساخله‌میا پارێزگه‌ها دهوكێ ب هه‌مى ده‌زگه‌هێن خوڤه‌ خزمه‌تێن ساخله‌میێ بو پتر ژ 700 هزار ئاواره‌یێن قه‌ستا پارێزگه‌ها دهوكێ كرین  پێشكێش دكه‌ت و بو ماوێ 24 ده‌مژمێرا , به‌ختیار دبێژیت : دڤێ كومبونێدا ئالیێن هه‌ڤكارى و هه‌ماهه‌نگیێ دناڤبه‌را رێڤبه‌ریا ساخله‌میێ و و رێكخراوا ناڤبرى هاته‌ كرن ژپێخه‌مه‌ت پێشكێشكرنا ئه‌وان خزمه‌تێن سه‌ره‌كى بو ئاواره‌یا ل جهێ ئاواره‌ لێ دێ هێنه‌ ئاكنجیكرن و خورتكرن و بهێزكرنا شیانێن ساخله‌میێ یا دهوكێ لسه‌ر ئاستى نه‌خوشخانا و بنگه‌هێن ساخله‌میێ و و ئه‌وان تیمێن سه‌ره‌دانا ئاوارا دكه‌ن و ده‌ستنیشانكرنا به‌روه‌خت ئه‌وان نه‌خوشیێن مه‌ترسیدار و كاركرن و هاڤێتنا پێنگاڤا  بو به‌رهنگارى بوونا نه‌خوشیێن ڤه‌گر و رێكێ لڤان نه‌خوشیا بگرن به‌رى به‌ربه‌لاڤ بن , ئاشكراكرو دبێژیت : دڤێ كومبونێدا هه‌ردوو لا رێككه‌ڤتن لسه‌ر پشته‌ڤانیا نه‌خوشخانا ئازادى و بنگه‌هێ ساخله‌میا به‌رده‌ره‌ش و ئه‌وان بنگه‌هێن خزمه‌تا كه‌مپا دكه‌ن ئه‌ڤ پشته‌ڤانیه‌ و هه‌ماهنگه‌یه‌ دێ یا به‌رده‌وام بیت داكو ئىڤ رێڤه‌به‌ریه‌ بشێت باشتر خزمه‌تا ڤان ئاواره‌یا بكه‌ت .