یهكهیهكا تایبهت بو چارهسهركرنا بهرمایكێن نوشداری هاته ڤهكرن.
ئهڤرو ب ئاماده بونا د.رێكهوت حهمه رهشید وهزیرێ ساخلهمیا ههرێما كوردستانێ د.نزار عسمهت رێڤهبهرێ ساخلهمیا دهۆكێ رێورهسمێن ڤهكرنا یهكهیهكا تایبهت بو چارهسهركرنا بهرمایكێن نوشداری هاته ڤهكرن.
د.بهیرهم داود بهرپرسێ شپشكا تاقیگهها ل رێڤبهریا گشتی یا ساخلهمیا دهۆكێ گوت: ل دیف بریارهكا حكومهتا فیدرال ههر پارێزگهههكێ دو یهكهیێن چارهسهریا بهرمایكێن نوشدری هاتینه ڤهكرن، پشتهڤانیا ئاڤاهی و ئامیران ژلایێ وهزارهتا ساخلههمیا ئیراقا فیدرال ڤه، ئهف یهكهیه ژ كارگهههكا و د شیاندایه روژانه 250 كیلویێن بهرمایكا چارهسهر بكهت، ئهو بهرمایكێن نوشداری یێن كو مهترسی ل سهر ژیانێ ههبیت ژ وان بهرمایكان ژی بوز و خوین و سرنجن و پهمبی و لفاف ئهف گلێشه ههمی دهێنه كومكرن ژ نهخوشخانا دناڤا كیسهكێ تایبهت ب رهنگێ زهر وه دهێنه كومكرن برێكا ترومبێله كا تایبهت ژ ههمی نهخوشخانا د ئیننه ڤێ یهكێ، دهما دگههیته ڤێ یهكێ برێیا كارگهها دناڤ ڤێ یهكێدا دهێته هیرهیر كرن و دهێته تافیلكرن و دهێته كومكرن وهك گلێشهكێ بێ مهترسی لێ دهێت، باژێرڤانی وهك گلێهكێ نورمال ببهت جهێن تایبهت یێن گلێشی.
د.بهیرهم داود گوت ژی: 600 هزار دولار ل ڤێ یهكێ هاتینه مهزاختن، بتنێ ئهف یهكهیه بو نهخوشخانێن ناف سهنتهرێ پارێزگهها دهۆكێ نه لێ پێتڤیه بهرمایكێن دهرڤهی پارێزگههێ ژی بهێنه كومكرن، نوكه مه ئێك ترومبێل ههیه دداهاتی دا دێ ترومبێلا زێده كهین بو ئینانا بهرمایكێن دهرڤهی باژێرێ دهۆكێ بو ڤێ یهكێ.