ههمی زارۆیێن ئاواره دژی نهخۆشیێن سۆركا و فالنجێ دێ هێنه ڤاكسیندان
د.سیروان محهمهد ئهسوهد، رێڤهبهرێ كاروبارێن خوپاراستنا ساخلهمیێ دیاركر كو ههوهكا سهرانسهری پارێزگهها دهۆكێ دژی دو نهخوشیێن كوژهك فالنجا زارۆكا و سۆركا بو زارۆیێن ئاواره ل دهۆكێ یێن پێنج سالی تا پازده سالی دژی فالنجا زارۆیان و نهه ههیڤی تا پازده سالی دژی نهخوشیا سوركا، دڤێ ههوێدا 170 هزار زارۆ دێ هێنه ڤاكسیندان دژی نهخوشیا سوركا و ههروهسا 104 هزار زارۆ دێ هێنه ڤاكسیندان دژی نهخوشیا فالنجا زارۆیان و گۆت: ئهڤ ههوه دێ بو ماوێ 15 روژا یا بهردهوام بیت، ل دهۆك و زاخو و سێمێل، ل ڤان كهرتا ئاكرێ و ئامێدیی و كهرتێن و بهردهرهش دێ حهفت روژا دێ یا بهردهوام بت.
د.سیروان دیاركر ژی مهرهما سهرهكی ژ ڤێ ههوێ ئهوه ئهڤ نهخوشیه ههردو دناڤ ئاوارادا گهلهك د مهترسیدارن، ژ بهركو ههكه نهخوشهك ههبیت دناڤ واندا ب ئێك ژ ڤێ نهخوشیێ گهلهك ب مهترسیه، چونكو گهلهك ئاواره ل دهڤ ئێك دكۆمن و ئهڤه جهێ مهترسیێ یه.
نوونهرێ رێكخراوا ساخلهمیا جیهانی ل دهۆكێ دیار كر رێكخراوا ساخلهمیا جیهانی ب ههڤكاری دگهل وهزارهتێن ساخلهمیێ و ب تایبهتی دگهل رێڤهبهریا گشتی یا ساخلهمیا پارێزگهها دهۆكێ بهرسڤهكا بلهز و ههوار هاتنهك بو ئهوان ئاوارهیێن ئاكنجی ل دهۆكێ دا و رابوون ب دابینكرنا تیمێن ڤاكسیندانێ و ب تایبهتی تیمێن گهرۆك و سهرهدانا وان ئاوار بكهن ل جهێ وان چ ل ناڤ قوتابخان یان یێن دهرڤهی وان بن و گۆت: مهرهما مه یا سهرهكی ئهوه زارویێن ئاوارا ههمی بهێنه پاراستن ژ ڤان نهخوشیێن مهترسیدار وهك سورك و فالنجا زارۆیان داكو زارۆ ب ئێكجاری ژێ بهێنه پاراستن.